Organizasaun ne'e sei kria karta ba direitu, liberdade no garantia ba polisia CPLP sira nian

Reprezentante polisia nian iha espasu luzofonu sei kria karta ida ba direitu, liberdade no garantia sira ba profisional sira hanesan ne'e, direitu ba sindikatu ida ba dahuluk, tuir fonte organizasaun nian ne'ebé reprezenta sira.

Armando Ferreira, konselleiru Organizasaun Internasional Polisia Lian Portugueza sira nian (OIT), ne'ebé maka prezide Sindikatu Nasional Polisia nian (Sinapol), iha Portugal, koalia ba jornalista sira iha reuniaun ida ne'ebé maka halao iha sidade Praia, Cabo Verde.

Desizaun ida ne'ebé sai hosi reuniaun OIT ne'e maka kriasaun ba karta direitu, liberdade no garantia ba polisia sira iha espasu luzófonu.

"Ami sei halo [karta ne'e] too ba governu nasaun CPLP sira nian, hodi dehan katak organizasaun ne'e sente katak ida ne'e tuir lolos sai nu'udar direitu, liberdade no garantia polisia sira ba mundu luzofona nian hotu", adiantou Armando Ferreira.

Ho dokumentu ne'e, OIT pretende "ajuda governu sira hodi persebe katak bandidu ida iha Portugal hanesan mós bandidu iha Cabo Verde, ka iha Guiné-Bissau, maibé ho polisia sira ne'ebé diferente hotu".

"Se ita hanoin ba ideia direitu primariu sira nian, iha polisia diferente iha nasaun ida de'it", nian hatete, no fó ezemplu ho kazu portuguéz nian, ne'ebé maka eziste polisia rua (PSP no GNR) no "GNR maka la iha direitu ba sindikatu".

"Iha buat balun ne'ebé maka ami entende katak tenki tau iha nivel ne'ebé hanesan no karta ne'e sei ajuda ami hodi transmiti ba governu sira saida maka ami entende tenki sai hanesan direitu baziku polisia sira nian.

Enumera direitu dahuluk ne'ebé maka tenki iha karta ne'e, Armando Ferreira refere katak ne'e hanesan "direitu profisional polisial sira hotu nian, enkuantu traballador, iha sindikatu ida. Mosambike la iha, Guine-Bisau la iha. So Portugal, Cabo Verde no Brazil de'it maka iha".

Nia hatete katak tenki tuir kedas ho "direitu ezersisiu livre atividade sindikal nian".

Tuir Armando Ferreira, ida ne'e nu'udar direitu ida ne'ebé maka "iha Cabo Verde la respeita".

Sindikalista refere katak faktu ida ne'ebé prezidente Sindikatu Nasional Polisia nian (Sinapol) cabo-verdianu, José Barbosa, kontinua suspensu hafoin greve fulan Dezembru 2017 nian. Polisia sira seluk ne'ebé maka aplika medida ne'e fila fali tiha ona ba serbisu.

"Cabo Verde tenki fó pasu ida ba oin no evolui ba situasaun ida ne'ebé maka labele kahur fali sindikalismu ho atividade sindikal nian. Buat sira ne'ebé la hanesan", nia refere.

Iha loron-sesta ne'e, Armando Ferreira sei ba hasoru Prezidente Republika cabo-verdianu, ne'ebé maka nu'udar atual prezidente iha ezersisiu Komunidade Nasaun sira Lian Portugueza nian (CPLP), ne'ebé maka nia sei transmiti ninian preokupasaun sira OIT nian ho "saida maka pasa iha Cabo Verde ho ho forma oinsá atual Governu ne'e jere hela problema ida ne'ebé maka sei la iha solusaun enkuantu prezidente Sinapol nian (Cabo Verde) la la rezolve ninian situasaun".

SAPO TL ho Lusa