Lafaek News -- Tuir ajenda RNDJK
ne’ebé lidera husi Ângela Freitas, sei hala’o demonstrasaun hasoru Prezidente
Repúblika Francisco Guterres Lú Olo, iha loron (4/09/2020), situasaun
atual iha resintu rezidénsia portavos RNDJK aseguradu husi F-FFDTL.
Observasaun hosi jornalista Lafaek
News nota katak ba da-daun iha resintu rezidénsia Ângela Freitas
husi F-FDTL kareta ida ho xapa matrikula, F-FDTL,234, ho pesoal forsa
hamutuk na’in ualu (8) ho armas kompletu, na’in haat halo seguransa iha estrada
sorin rezidénsia Ángela nian, no na’in haat iha karreta laran de’it
ho armas.
Tuir Porta voz RNDJK Ângela Freitas liu hosi via telefone katak nia haree ona katak forsa atu halo
kapturasaun ba nia (Ângela).
“ida ne’e ha’u haree fó
sai, tuir informasaun fó sai katak sira atu halo kapturasaun maibé
ha’u hanoin forsa ne’e labele halo ameasa ba sidsdaun ne’ebé
ke espresa nia hanoin tanba ida-ne’e konsagra ons iha konstituisaun,”dehan Ângela Freitas Jornalista sira liu hosi via telefone, 01/09/2020.
Nia hatutan liu hosi via telefone
ne’e, iha situasaun refere nia rasik laiha rezidénsia RNDJK, karik sira atu
kaptura tanba parte RNDJK sei koopera tanba sira la halo krime tanba
manifestasaun ne’ebé sei halo hetan ona autorizasaun hosi PNTL.
“Ha’u laiha fatin ha’u agora iha
li’ur hela tanba agora da-daun ne’e sira atu halo kapturasaun,” dehan nia.
Situasaun atuál iha resintu
rezidénsia portavos RNDJK nia la’o hakmatek, tanba hahú oras tuku 16:35, forsa
F-FDTL kontinua mantein asegura.
Jornalista: Egidio Nono | Editora:
Nelya Barros
Lee mós iha Lafaek News:
Sem comentários:
Enviar um comentário