Iha momentu ne'e, tinan 1976, Comite Central FRETILIN (CCF) halo reuniaun iha Maubisse, maka deside katak, tanba inimigu hahú domina daudauk maka sira fahe malu hodi ida-idak ba nia fatin.
Nune'e, bainhira inimigu tama dadauk iha Maubisse, iha dadersan ida nia ho ekipa ida ho kilat lolon neen ho pistola ida ne'ebé nia rasik mak kaer hodi hahu gerilla.
“Inimigu hahú tama dadauk Maubisse, pai de'it sai husi Maubisse hodi liu ba Turiskai hodi liu ba Fatumakerek no kontinua ba Manatuto.
“Primeira-vez ha'u hahú la'o hodi koñese rai, to'o iha Fatumakerek, ami husu tutir ferik katuas sira iha dalan hodi kontinua la'o. Ha'u mai hela iha uma ida, iha katuas no ferik ho labarik balu. Iha Fatukmakerek mak ha'u rasik kontaktu ho ita nia natureja hodi kontinua la'o sa'e foho hodi liu ba Manatuto, ”Xanana haktuir.
Inspirasaun saida mak Xanana hetan iha Fatumakerek maka, português nia tempu nia hela de'it iha Díli la hatene saida mak timorano sira sente iha foho.
“Ispira ha'u ne'e tanba ha'u komesa koñese moris loloos timoroan sira nian. Sira haan, hemu no toman moris lorloron nian mak inspira ha'u hodi envolva iha luta to'o manan funu, ”Xanana hatete.
Xanana mós dehan, bainhira nia sei jornalista maka sai mós hanesan oportunidade ida hodi hatete saida mak loos no sala. “FRETILIN halo sala ha'u dehan sala, UDT sala ha'u dehan sala, Portugues sira halo sala ha'u dehan sala,” Xanana haktuir.
Maske nune'e, Xanana salientea, inspirasaun ne'ebé nia hetan la'ós inspirasaun polítika ka ba kaer kilar hakilar viva tun sa'e maibé ikus ba rende. Maibé inspirasaun ne'ebé Xanana hetan maka nia subliña, hetan husi domin
Iha oportunidade mós Xanana dehan, membru CCF barak iha tempu funu mate hotu no hela de'it nia ho Mauhunu.
“Ami nain rua de'it mak moris, ha'u ho Mauhunu. CCF sira mate no barak ba rende. Maibé ha'u la'ós FRETILIN ”, Hatete de Xanana.
Nia hatutan, husi Maubisse hodi liu ba to'o Fatukmakerek hodi ba Manatuto no nia kontinua la'o to'o ba iha fatin ida iha nia uma lisan rasik hodi kontinua halo kontaktu ho natureza n hetan naran kontinua la'o to'o ba iha fatin ida iha nia uma lisan rasik hodi kontinua halo kontaktu ho natureza n hetan naran hodi kontinua Kayraka Xanana hodi.
Ho prosesu hirak ne'e, Xanana konklui definisaun gerilla maka funu ida ne'ebé povu mak halo. La'ós tanba timoroan hirak ne'ebé mate ka sira ne'ebé kaer kilat mak lori ukun-an, maibé povu sira ne'ebé halo desizaun ba hakotu funu iha referendo 1999 maka ikus mai duni inimigu sai husi Timor.
Tanba ne'e, Xanana husu ba foinsa'e sira tenke respeitu ferik-katuas sira, balun mate ona, balun sei moris no balun sei moris susar hela. Nune'e, Inimigu kontinua tama iha fatin-fatin. (cao)
Sem comentários:
Enviar um comentário