Mandatu EOK Sei Kontinua Too Kaer MauK Moruk

DILI - Empenhamento Operasaun Konjunta (EOK) ho naran HANITA neebe maka lidera hosi F-FDTL no PNTL, EOK sei la hapara too kaer Mauk Moruk ho nia grupu sira neebe naka sei subar hela iha ailaran.

Tuir Vice Xefe Estadu F-FDTL Brigaderu Jeneral Filomino Paixao katak, empenhamentu Operasaun Konjunta sei la hapara, kuandu Mauk Moruk ho nia grupu la intrega aan, tamba nee estadu la simu armada ilegais, so instituisun F-FDTL ho PNTL maka bele kaer kilat.

Hau hanoin estadu labele ignora situasaun ida hanesan nee, tamba nee operasaun konjunta mos agora hari dadauk establidade iha rai laran, atu nunee labele kria konfrontasaun iha komunidade nia let, tan nee iha mandatu kapturasaun nee tenke hare mos ba desizaun Tribunal neebe fo mandatu kapturasaun ba sira neebe lao hela iha trenu ou hola parte ba grupu illegal, tan nee Esradu deit maka bele uja forsa F-FDTL no PNTL tuir lei neebe iha,” informa Paixao liu hosi konferensia imprensa, Sesta (10/07/2015) iha kuartel Jeral Fatu-Hada Dili.

Nia informa liu tan katak, semak halo krime no la tuir Lei maka estadu iha obrigasaun atu kaptura sira hodi lori mai aprezenta iha tribunal, tan nee too ohin loron kaptura ona ema 495 no antes de oprasaun HANITA nee kaptura ema nain 34.

Iha fatin hanesan Caetano Alves peskijador hosi ONG fundasaun Mahein hateten, servisu neebe maka EOK halo ida nee hanesan responsablidade boot ida, oinsa atu habelar informasaun ba iha Publiku atu hatene operasaun nee nia progresu. Informasaun kompletu iha STL jornal no STL Web, edisaun Sabado (11/7/2015). Madalane Horta/Sonia Fereira

Suara Timor Lorosae