Entretantu
tuir ONG Luta Hamutuk foin lalais ne’e deklaran, komitmentu polítika governu
hodi halo investimentu boot ba setór infra-estrutura falla tebes, tanba
lakonsege atinje tarjetu sektoral ne’ebé mak define tiha ona iha PEDN hodi
asegura sustentabilidade dezenvolvimentu ba futuru Timor-Leste nian.
Luta
Hamutuk haktuir, too agora liu 70% populasaun mak moris iha área rurál ne'ebé
sei kontinua enfrenta problema falta de infra-estrutura bázika, ezemplu
estrada rurál ne'ebé kuaze 85% laiha kondisaun (aat), 75% seidauk iha asesu ba
bee moos , 50% eskola laiha fasilidade bee moos no mos falta de
fasilidade eskola no saúde. Luta Hamutuk fó atensaun maka’as ba
programa infra-estrutura rai laran ne'ebé finansia hosi Orsamentu
Jerál do Estadu tanba, alokasaun ba programa infra-estrutura mak sei fó benefísiu
direita ka nu'udar meius distribuisaun rekursu públiku ba povu iha área rurais. Prosesu
ejekusaun ba osan hamutuk billaun U$ 7.8 to’o oras ne’e lahatudu rezultadu
di’ak, tanba realidade hatudu programa balun mak sei hala’o to’o ohin loron.
Hare
ba Planu Estratejiku Dezenvolvimentu Nasionál (PEDN) 2030, katak iha tinan 2015
Timor-Leste tenke atije metas (indikadores) kurtu prazu nian iha seitór
dezenvolvimentu ekonómia, infra-estrutura, sosial no seluk tan, atu
nune’e bele aselera di’ak liutan prosesu dezenvolvimentu rai laran. Tanba ne’e,
durante tinan lima (5) nia laran (2011-2015) governu iha ambisaun maka’as aloka
orsamentu maka’as liu hosi polítika orsamentu fiskal hamutuk ona billaun
U$ 7.8 bazeia ba fontes portal governu nian katak, osan hirak ne’e atu uja ba
prosesu dezenvolvimentu iha rai laran.
“Maibé,
rezultadu despeza (pengeluaran) durante tinan 5 nia laran hatudu katak governu
falla,” hatete diretór ejekutivu Luta Hamutuk, Mericio Akara liuhosi
konferensia iha nia serbisu fatin Farol-Dili, foin lalais. (oki)
Sem comentários:
Enviar um comentário