Susar Identifika Veteranus Falsu

DILI – Veteranus neebe rejistu besik ona rihun 200, maibe governu susar atu identifika veteranus neebe mak falsu tanba keisa neebe mak hatoo hosi ema balu latemi lolos ema nia naran.

Informasaun nee fo sai hosi Vise Ministru Solidaridade Sosial (MSS), Miguel Manetelu, ba STL iha Salaun inkontru Comisaun Nasional Elisaun (CNE) Colmera, Tersa (25/08).

Ita nia problema mak nee agora ema neebe halo reklamasaun nee laiha naran izemplu konstetasaun hasoru hau dehan hau laos veteranus maibe la temi hau nia naran temi deit ema balu tanba nee mak ita nia problema mak nee ita la hatene ema balu nee se los,” hatete Miguel Manetelu.

Nia husu ba komonidade tomak kuandu atu halo konstetasaun tenke temi klaru ema nia naran nunee fasil hodi buka tuir liu-liu ba sira neebe mak falsifika dokumentus, atu nunee bele lori ba tribunal hodi prosesu tuir lei neebe mak iha maibe kuandu la temi klaru ema nia naran maka susar ituan atu halo investigasaun.

Iha fatin ketak tuir membru Komisaun F Parlamentu Nasional, Eladio Faculto, neebe mak trata asuntu konaba veteranus nian hatete katak komisaun F PN simu keisa barak konaba veteranus falsu maibe problema mak la klaru atu temi sai ema nia naran. Informasaun kompletu iha STL Jornal no STL Web, edisaun Kinta (27/8/2015). Thomas Sanches

Suara Timor Lorosae