Kumpri Lei, Dili Laiha Fatin Realiza Asaun Demostrasaun

DILI - Kumpri Lei atu dook husi edifisiu publiku hodi halo Asaun desmostrasaun iha kapital Dili, laiha ona fatin tamba tuir lei asaun protesta tenki dook husi edifisiu estadu kuaze metru 100.

Tuir Diretur Ejekutivu Luta Hamutuk Mericio Akara katak hare husi prespektiva liu-liu ba kontiudu redus pensaun vitalisia nee, pojitivu tamba preokupasaun ema hotu nian tan nee sira manifesta ema barak fo apoiu.

Tuir lei atu halo asaun demostrasaun tenki dook husi edifisiu estadu metro 100, nee iha Dili ita la bele halo demostrasaun, ita halo asaun ita tasi laran deit atu nune dook husi institusaun Publiku,” dehan Akara ba STL Sesta (09/10/2015) iha Ninia knar fatin.

Nia hatete tuir regras Labele duni halo asaun desmostrasaun iha Kapital Dili, maibe kondisaun mak obriga estudante sira tenki halo asaun protesta, tan nee atu labele mosu asaun demostrasaun redus Pensaun Vitalisia, mak Parlamentu tenki debate ona.

Iha fatin ketak Diretur JSMP Luis Sampaio hatete Ulun boot sira labele konsidera asaun Prostesta husi estudante Universitariu illegal, tamba konstitusaun garante sidadaun hotu-hotu iha direitu atu hato sira nia aspirasaun. Informasaun kompletu iha STL JOrnal no STL Web, edisaun Sabado (10/10/2015). Timotio Gusmao

Suara Timor Lorosae