Prezidenti PN La Iha Kapasidade Altera LPV, Diak Liu Rezigna Aan

DILI - Prezidente Parlamentu Nasional (PN), la iha kapasidade atu altera lei pensaun vitalisia (LPV), diak liu husu rezigna aan husi nia kargu.

Lia hirak nee hatoo husi Senadu Jeral Estudante Universidade Dili (UNDIL) Horacio Cabral, liu husi asaun demostrasaun, neebe halao husi Movimentu Universidade Timor Leste (MUTL), iha Kampus Liseu, Dili, sesta (09/10/2015).

Ami halo asaun demostrasaun ida nee, hodi ejiji ba Deputadu sira liu-liu Prezidente PN hodi altera lalais lei pensaun vitalisia, antes tama ba 2016, maibe Prezidente PN la tau konsidirasaun, tamba nia la iha kapasidade no vontade atu altera lei nee diak liu rezigna aan,” hateten Horacio.

Nia mos hatutan tan katak sira halo asaun demostrasaun ida nee laos kontra nasaun, maibe kontra lei pensaun vitalisia neebe habokur deit eis Governu, Deputadu no Titualar sira, maibe povu kiik sira kontinua terus no kiak ba bebeik.

Iha biban nee mos Assosiasaun Estudante Ainaro Marsal dos Santos Pereira hateten deputadu sira iha Parlamentu Nasional la kohi fo solusaun ba asaun demostrasaun ida nee. Informasaun kompletu iha STL JOrnal no STL Web, edisaun Sabado (10/10/2015). Joao Anibal

Suara Timor Lorosae