Osan hosi emigrante sira maka sai hanesan fonte datolu bot ba balansa pagamentu hosi Timor-Leste

Osan hosi emigrante timor-oan sira maka sai hanesan fonte bot ba balansa hosi pagamentu nasaun nian, hafoin petróleu, gás naturál no kafé, tuir dadus ne’ebé fó sai hosi Organizasaun Internasionál Migrasaun (OIM). 

Desde inisiu tinan ne’e, traballadór timor-oan 2.000 maka haruka ona bá Koreia Sul, Austrália, liu hosi programa bilaterál migrasaun laborál nian, no haruka ona osan besik milloens tolu mai Timor-Leste.

Organizasaun ne’e esplika iha komunikadu katak, valór ne’ebé aumenta, karik konta ho remesas timor-oan nian ne’ebé espalla iha mundu.

Fó importánsia ba remesas maka OIM iha semana ne’e hamutuk ho Sekretaria Estadu ba Polítika Formasaun Profesionál Empregu (SEPFOPE), hala’o ona kursu formasaun dahuluk hodi forma ema ba iha área jestaun migrasaun laborál nian iha Timor-Leste.

Inisiativa ne’e atu hodi aumenta koñesimentu kona-ba jestaun migrasaun laborál funsionáriu SEPFOPE nian nian sira no bele iha kualidade, hodi prepara ba dezenvolvimentu polítika nomós foti desizaun ne’ebé lolos.

Kona-ba akordu bilaterál, direitu hosi traballadór emigrante sira nian nomós aspetu seluk hosi debate nian, inklui mos projetu hosi Planu Asaun Nasionál ba Migrasaun Laborál, ne’ebé sai mos nu’udar konteúdu kursu nian.

Formasaun ne’e importante hodi apoia traballadór imigrante sira ne’ebé hela iha Timor-Leste.

SAPO TL ho Lusa