PJR Sosializa Krime Brankamentus Kapitais no Finansiamentu Terorismu ba F-FDTL

DILI – Prokurador Jeral Republika (PJR) halo sosializasaun konaba brankamentu capital nomos finansiamentu terosismu, ba membru F-FDTL atu nunee bele aumenta kuinesementu forsa nian.

Tuir Prokurador Jeral Republika, Jose Ximenes, iha deskursu neebe mak halo iha salaun inkontru Falintil Forsa Defeza Timor Leste (F-FDTL) Fatuhada, Kinta (15/10) hatete iha rai liur inklui TL dala barak ema aproveita forsa hodi komete krime oin-oin.

Krime brankamentu capital nee laos krime ida neebe mak hamrik mesak maibe nia iha koneksu ho krime sira seluk hanesan, droga, trafiku humanu, money laundry, korupsaun, pekulatu no seluk tan no dala barak ema aproveita forsa hodi involve an iha krime sira nee atu nunee bele salva sira nia an tanba nee persija taka ou kombate atu nunee sira labele organija an ba bebeik,” hatete Jose.

Nia hatutan atu kombate krime sira nee laos deit servisu PJR maibe persija apoiu hosi institusaun hotu neebe mak ejiste iha Timor Laran tomak, tanba oras nee dadaun iha krime barak mak mosu iha rai laran.

Iha fatin hanesan Maijor Jeneral Falintil Forsa Defeza Timor Leste (F-FDTL), Lere Anan Timur, hatete katak liu hosi sosializasaun konaba krime brankamentu capital nomos finansamentu terorismu ba membru F-FDTL nee importante tebes. Informasaun kompletu iha STL Jornal no STL Web, edisaun Sesta (16/10/2015). Thomas Sanches

Suara Timor Lorosae