DILI –
Maijor Jeneral Falintil Forsa Defeza Timor Leste (F-FDTL) Jeneral, Lere Anan
Timur, husu ba Ministeriu Kompatente atu labele kaptura Cornelio Gama alias L7,
relasiona ho kazu foti fatuk masin iha Laga, Munisipiu Baucau.
Deklasarun
nee fo sai hosi Maijor Jeneral, Lere Anan Timur, ba jornalista sira iha ninia
servisu fatin Kuartel Jeral F-FDTL, Fatuhada Kinta (15/10).
Ordem
ida neebe hasai hosi MP katak kaer katuas L7 konaba magnesium. Hau hanoin katak
L7 laiha intensaun at ida atu kontra fali ita nia estadu maibe ema mak
aproveita nian tanba nee kaer mak ema ou kompania nain neebe aproveita nia nee
laos kaer fali nia (L7),” hatete Lere.
Nia
hatutan asuntu ida tenke tau mos iha konsiderasaun tanba dala barak kriminozu
no oportunista sira aproveita veteranus hodi bele atinji sira nia objetivu.
Iha
fatin hanesan Prokurador Jeral Republika, Jose Ximenes, hatete ema neebe iha
osan dala barak buka aproveita veteranus nomos military, sira hodi bele salva
sira nia an hodi kontinua halo krime.
Tuir
informasaun neebe mak STL hetan oras nee mandadu kapturasaun ba Cornelio Gama
L7 Tribunal Distrital Baucau hasai ona ba Polisia Servisu Investigasaun
Kriminal (PSIK), atu kaptura L7 relasiona ho kazu neebe mak komete iha tinan
hira liu ba. Informasaun kompletu iha STL Jornal no STL Web, edisaun Sesta
(16/10/2015). Thomas Sanhes
Suara
Timor Lorosae
Sem comentários:
Enviar um comentário