Titulár
sira Negósiu Estranjeiru Japaun no Estados Unidos, Fumio Kishida no John Kerry,
diskute ohin liuhosi telefone, kona-ba krize diplomátika entre Arábia Saudita
no Iraun, no konkorda katak presiza rezolve situasaun ne’e liuhosi diálogu.
Iha
dada-lia durante minutu 20, Kishida no Kerry hato’o preokupasaun ho relasaun
entre Riade no Teerão ne’ebé ladi’ak, no nia intensaun atu dudu parte hotu atu
atua ho moderasaun hodi garante estabilidade iha Médiu Oriente, revela ministru
japonés ohin, iha konferénsia imprensa, tuir ajénsia Kyodo.
Arábia Saudita no Iraun hakotu relasaun diplomátika iha semana ne’e hafoin ezekusaun, iha Riade, iha sábadu kotuk ba líder relijiozu xiita Nimr-al-Nimr no atake tuir fali iha embaixada saudita iha Teerão no iha konsuladu iha sidade iraniana, Mashhad.
Krize ne’ebé hamosu preokupasaun entre komunidade internasionál, ne’ebé apela atu nasaun rua ne’e kalma, hodi evita tensaun ne’ebé aas afeta negosiasaun aberta hodi fó solusaun ba konflitu sira iha Síria, Irake no Iémen.
Sekretáriu Estadu norte-amerikanu no ministru japonés hato’o mós preokupasaun ho teste transporte aéreu ne’ebé Xina realiza foin lalais iha Ilhas Spratly, arkipélagu ne’ebé nasaun barak mak reklama nia soberania.
SAPO TL ho Lusa
Arábia Saudita no Iraun hakotu relasaun diplomátika iha semana ne’e hafoin ezekusaun, iha Riade, iha sábadu kotuk ba líder relijiozu xiita Nimr-al-Nimr no atake tuir fali iha embaixada saudita iha Teerão no iha konsuladu iha sidade iraniana, Mashhad.
Krize ne’ebé hamosu preokupasaun entre komunidade internasionál, ne’ebé apela atu nasaun rua ne’e kalma, hodi evita tensaun ne’ebé aas afeta negosiasaun aberta hodi fó solusaun ba konflitu sira iha Síria, Irake no Iémen.
Sekretáriu Estadu norte-amerikanu no ministru japonés hato’o mós preokupasaun ho teste transporte aéreu ne’ebé Xina realiza foin lalais iha Ilhas Spratly, arkipélagu ne’ebé nasaun barak mak reklama nia soberania.
SAPO TL ho Lusa
Sem comentários:
Enviar um comentário