DILI
– Prezidente Republika Indonesia Joko Widodo (Jokowi) sei too iha Dili Tersa
semana oin, tanba nee vijita ofisial nee oportunidade diak ba TL atu husu tuir
ruin saudozu Nicolao Lobato nian hakoi iha neebe.
Deklarasaun
nee fo sai husi membru Deputadu husi bankada Fretilin, Osorio Florindo C.
Costa, ba STL iha uma fukun Parlamentu Nasional (PN) Kinta (21/01).
Familia
kontinua husu nafatin no hanesan governu dalaruma tau iha kondisaun ida atu
labele sukit buat pasadu no nee mos hanesan diplomasia diak ida maibe ita mos
labele haluha ita nia lider boot nasaun nian hanesan Nicolao Lobato, tanba nee
governu tenke koalia hodi husu ita nia saudozu ba Prezidenti Indonesia nee la
signifika katak ita atu fila fali ba kotuk hodi sukit pasadu, maibe ita ejiji
atu sira hatete lolos laos atu lori ba problema,” dehan Osorio.
Nia
husu ruin Saudozu Nicolao Lobato ba Prezidente Republika Indonesia atu bele fo
garantia ba familia no ba povu TL tomak, neebe mak hein hela tanba nee governu
tenke iha korajen nafatin atu koalia no la signifika katak atu impata fali
prosesu dezenvolvimentu neebe mak nasaun rua nee kria.
Iha
fatin ketak tuir Diretor Asosiasaun HAK, Manuel Monteiro, hatete hakarak ka
lakohi estadu TL tenke husu ruin saudozu Nicolao Lobato, inklui mos aswain sira
seluk neebe mak mate no lakon too ohin loron seidauk hetan.
Nunee
mos Ministru Negosiu Estarnjeiru no Koperasaun, Hernani Coelho, hatete koalia
konaba ruin saudozu Nicolao Lobato nian, iha komisaun ida mak sei koalia konaba
asuntu nee hodi koalia iha kontestu global. Informasaun kompletu iha STL Jornal
no STL web, edisaun Sesta (21/1/2016). Thomas Sanches
Suara Timor Lorosae
Sem comentários:
Enviar um comentário