Australia Tenke Respeita Pozisaun TL

DILI – Sosiadade Sivil husu ba governu Australia tenke respeita desizaun Timor Leste, konaba negosiasaun fronteira martima neebe mak oras nee paradu, tanba Australia rasik lakohi halo diskusaun ho TL.

Tuir Diretor Ezekutivu Organizasaun Non Govermental Asosiasaun HAK, Manuel Monteiro, ba STL iha nia servisu fatin Kinta (21/01) hatete Australia tenke respeita soberania TL hodi bele halo negosiasaun konaba fronteira martima.

Iha akordu nee rasik dehan katak husi parte rua nee mak iha prosesu esplorasaun mina parte ida mak la sastifas maka bele renegosiasaun fila fali hodi hetan solusaun lolos tanba ita kaer ba lei anclos nian, Asutralia tenke kupmpri no respeita TL labele hanesan nasaun bot atu hanehan fali nasaun kiik maibe kestaun mak nee sira rasik sai ona husi anclos tanba nee ita tenke hatudu ita nia politikan ida neebe diak hodi negosiu,” hatete Manuel.

Nia hatutan dalan ida atu Australia persija halo dialogu ho TL mak persija hamoris fila fali rede solidaridade internasional, liu-liu ho povu Asutralia neebe mak kontinua fo apoiu ba TL hodi ejiji Australia atu respeita TL. Nia hatete normalmente pais hotu-hotu persija hatene ninia markasaun fronteira martima, aeros nomos terrestre.

Iha fatin hanesan Peskijador Luta Hamutuk, Elio Pereira Guimaraes, mos hatete Timor Leste hanesan nasaun ida neebe mak soberania, tanba nee persija ejiji nafatin ninia direitu tanba nee husu Australia atu respeita lei internasional neebe mak iha ona.

Nunee mos Frederico Monteiro, hatete Australia hanesan nasaun ida neebe mak riku no boot maibe kontinua hakarak buka lukru husi nasaun kiik sira ba sira nia nasuan hanesan Timor Leste. Informasaun kompletu iha STL Jornal no STL web, edisaun Sesta (21/1/2016). Thomas Sanches

Suara Timor Lorosae