Kazu Mediku-Pasienti, Familia Vitima Husu Kastigu Ba Arguidu

DILI – Familia husi vitima VMS neebe hetan violasaun seksual husi mediku FFM, husu ba Tribunal atu fo kastigu tuir krime neebe mak arguidu halo ba sira nia oan feto no subrina.

Tuir familia vitima neebe lakohi temi naran ba diario nee hatete, nudar prima ka bin husi lezada la simu tebes hahalok husi arguidu neebe hanesan mediku. Tanba servisu mediku laos atu estraga ema nia vida, maibe atu halo tratamentu neebe diak ba pasienti sira nia moras bainhira ba konsulta.

Nia hatutan, ho arguidu nia hahalok nee halo lezada lakon vida hanesan ema feto iha sosiedade nia let. Tanba nee husu ba tribunal atu fo justisa neebe forte ba nia hahalok nee.

Iha fatin hanesan offisiais pradet neebe la temi naran hatete, relatoriu bison vitima nian husi pradet hatudu katak antes akontesimentu vitima ho kondisaun diak hanesan feto neebe isin tomak (virgem), maibe depois akontesimentu nee halo lezada nia oin lulik nakles tanba agrava husi violasaun seksual.

Tuir akuzasaun husi Ministeriu Publiku katak, iha loron 23 Marsu 2015 lezada VMS nudar pasiente neebe hetan moras ran mutin ba halo konsulta iha hospital Gleno. Too iha hospital laran pasiente VMS hasoru arguidu, tanba nia mak hanesan medicu iha ospital refere. Nunee lezada esplika tuir moras ran mutin neebe nia sofre ba arguidu.

Depois rona tiha esplikasaun husi pasiente, arguidu haruka VMS hasai ropa tur iha meja leten hodi hatama nia liman ba iha lezada nia vagina. Lezada halo tuir, tanba la hatene saida mak arguidu halo ba nia.

Hotu tiha ida nee arguidu haruka lezada hatais fali ropa no hameno hela ba nia katak, moras ran mutin nee infeksaun ona. Tanba nee loron 25 mak mai konsulta fali, diak liu mai kalan deit. Nunee lezada mos fila ba uma. Informasaun kompletu iha STL Jornal no STL web, edisaun Sesta (21/1/2016). Domingas Gomes

Suara Timor Lorosae