DILI - Tribunal
Distrital Dili (TDD) absolve arguidu Gaspar Guterres husi krime homesidu
agravadu (HA), tanba falta provas iha autus.
Liu husi leitura
akordaun, tribunal kolektivu absolve arguidu Gaspar Soares husi Krime homesidu
agravadu hasoru vitima Rozito da Silva tanba falta provas iha autus.
Iha audensia
julgamentu lezadu deklara katak, iha loron 21 Desembru 2014 tuku 4 loraik iha
Merkadu Lama arguidu kaer katana ida hasoru. Neemak lezadu dehan ba arguidu
katak, karik iha problema mai tur iha uma hodi rezolve. Rona ida nee arguidu
lori katana taa ba lezadu, maibe la kona tanba lezadu hakruk tiha.
Nunee arguidu iha
nia deklarasaun katak, iha loron 21 de Desembru 2014 tuku 4 loraik nee arguidu
halao hela estagiu iha Timor Plaza hodi fila mai uma. Too iha Merkadu Lama iha
problema oan ida ema tuda malu, no arguidu nia uma mos hetan tuda hotu. Neemak
arguidu foti katana atu hakalma ema sira nee. Arguidu hare lezadu ho nia grupu
halai mai iha nia oin, halo arguidu hanoin katak lezadu ho nia grupu atu mai
ataka nia. Nunee arguidu foti katana hodi taa hasoru lezadu maibe la kona.
Durante iha
julgamentu, produsaun de provas la provadu hotu, tanba arguidu laiha intensaun
atu taa lezadu. No deklarasaun sasin neebe produs iha katak sasin nee la konese
arguidu tanba nunka hasoru malu. Maibe bainhira husu tuir bainhira joga karta
iha lezadu nia uma, sasin nee dehan nia hare arguidu mos iha. Ho ida neemak
halo tribunal laiha konfiansa ba provas neebe mak produs. Informasaun kompletu
iha STL Jornal no STL Web, edisaun Sabado (23/1/2016). Domingas
Gomes
Suara Timor Lorosae
Sem comentários:
Enviar um comentário