Númeru
hosi ema xinés sira ne'ebé iha ligasaun ba Internet aumenta ona kuaze millaun
700 iha tinan liubá, aas liu hosi totál populasaun iha Uniaun Europeia, fó sai
hosi China Internet Network Information Center iha loron-sesta ne'e.
Populasaun
"online" hosi Xina aumenta ona millaun 39,5, iha termu homólogu, ba
millaun 688 (aas tebes hosi tinan lima liubá), 90% asede ba rede liuhosi
"smartphone sira", haktuir hosi organizmu reguladór iha área ne'e.
Rezumu
ne'e reprezenta liuhosi metade populasaun totál hosi Xina (millaun 1.374) iha
nasaun ida ne'ebé iha 18% hosi humanidade.
Rede
sosiál sira no feramenta "online" sira hanesan Facebook, Twitter,
Google, Youtube ka Dropbox halakon ona iha Xina, maibé komérsiu eletróniku
hatudu importante iha tranzisaun ba modelu ekonómiku ida ne'ebé bazeia liu iha
konsumu.
Iha
de'it loron ikus solteiru sira nian, ne'ebé selebra iha loron 11 Novembru,
komérsiu eletróniku boot iha Xina Alibaba fó sai katak volume fa'an totál nian
maka dolár millaun rihun 14,3.
Hanoin
katak Alibaba, empreza ne'ebé halo operasaun ba "site" populár sira
kompras nian Taobao ho Tmall, ne'ebé funda hosi Jack Ma, mane daruak ne'ebé
riku liu iha nasaun, kontrola 90% hosi komérsiu eletróniku iha Xina.
SAPO
TL ho Lusa
Sem comentários:
Enviar um comentário