Imigrasaun Deporta Timor Oan, Estudante Laiha Nasionalismu

DILI - Imigrasaun Republika Indonesia deporta Estudante timor oan nain 40 resin, tamba estudante hirak nee laiha nasionalismu nudar Timor oan hodi halao estudu iha ema nia rai, tamba lakohi defende Timor nia naran hodi trata sira nia dokumentus neebe mate.

Tuir deputadu Manuel Castro hatete nudar estudante neebe halao estudu iha ema nia rai tenki kumpri regas neebe mak lao iha ema nia nasaun, tamba sidadaun husi nasaun seluk neebe tama iha Timor kumpri regra neebe mak lao.

Ita nudar estudante neebe matenek tenki hatudu ita nia matenek kuandu ita la trata dokumentu nee ita laiha nasionalismu no hatun ita nia dignidade kuandu Imigrasaun kuptura ita hodi deporta fali mai Timor,” dehan Manuel.

Nia husu ba Timor oan tomak neebe mak estudu iha ema nia nasaun tenki kumpri lei no regras neebe mak iha, nomos adidu ou embaixador Timor nian iha nasaun relevante tenki tau matan mos maluk timor oan sira nee.

Nunee mos deputadu Leonel Marcal hatete estudante balun neebe mak halao estudu iha Indonesia lakumpri sira nia dever hanesan ema estranjeiru, hodi kompleta dokumentu atu hela iha ema nia rai hanesan estudante. Informasaun kompletu iha STL Jornal no STL Web, edisaun Kinta (4/2/2016). Timotio Gusmão

Suara Timor Lorosae