Sigaru Estraga Futuru Nasaun

Joven kostume fuma sirgaru ne’e hanesan ameasa boot ba futuru nasaun ninian, tanba bele estraga joven nia vida ne’ebé sai hanesan ai-ri’in ba Timor-Leste (TL) ninia rekursu iha futuru.

 Tuir Staff Sekretariadu Aliansa Nasional Antí-Tabaku, Mateus Lemos Soares, Foin lalais ne’e ba Matadalan iha Farol, Díli, hatete se joven ida iha familia laran, familia garantia katak nia maka sei troka familia ida ne’e maibé nia saúde hetan hafeita hosi sigaru konserteiza ke familia lakon, tanba lakon nia joven diak ida i nasaun mós lakon nia joven diak ida.

“joven maka ai ri’in no sai futuru  ba nasaun ida ne’e entaun ita hakarak koalia sigaru nia impaktu ba joven sira nia vida para atu garantia nasaun nia futuru,” Mateus dehan.

Lemos rekomenda ita uza konsiensia hateten lae ba sigaru. Ita moras maka mate ne’e tanba destinu mais ita moras tanba kauza hosi sigaru ou tabaku ne’e pergunta ba nasaun, ita nia-án no ba familia.

Sira husu mós ba estadu atu toma atensaun sériu ba dekretu lei ne’ebé maka konsellu minístru aprova dadaun, atu nune’e  ita bele luta kontra konseitu jerál ida moras la hadaet no fatór risku ida maka tabaku iha Timor.

“pensamentu ida maka ha’u hakarak muda, joven sira la bele nakonu ho hanoin ida dehan fuma mós mate, la fuma mós mate, hanesan joven la bele hateke klo’ot I besik liu. Ne’e kontestu  ida ke  ita hatete sala ba ita nia vida no hatete de’itt katak fuma ne’e risku ba ha’u nia vida i  ha’u tenta atu hado’ok-án,” nia tenik.

Lemos husu ba Ministeriu Edukasaun tenki sériu iha regulamentu interna ba edukasaun, hahú hosi ensinu báziku to’o ensinu superior tanba edukasaun maka fatin ida atu forma ema sai ema ida kualidade entaun edukasaun la’os eduka ema atu sai fumador iha área eskola nian, liu-liu tau regra sériu ida ba professor  no tun ba estudante sira, atu hateten livre hosi espasu, aredores eskola ninian.

Alien de ne’e husu mós ba espasu governu nian tomak tenki ho seriedade para la bele fuma atu nune’e ema joven, komunidade bai-bain atu bele banati tuir, se lae lider sira maka hodi hu’un tempu ba tempu ita sei la outrapassa ita nia mehi.

Iha parte seluk, Sekretariu Exekutivu, Aliansa  Nasional Anti Tabaku, Sancho Belito Fernandes hateten aliansa Nasional hamri’ik ho papel importante ida atu oinsa bele serbisu hamutuk ho parte hotu atu kombate fuma iha TL.

“Iha 2014 ideas ne’e mosu maibé sira la konsege estabelese  aliansa ne’e, tanba ne’e iha marsu 2015 komemorasaun loron internasional tabaku nian, organizasaun saúde mundial ho Ministériu Saúde haruka organizasaun tolu nia ema ba tuir enkontru iha India, hosi konsellu nasional nian ema ida, União Juventude ba prosesu povu nian ema ida no Many Hands internasional ida,” nia dehan.

Nia esplika, enkontru iha India ho objetivu para atu haforsa papel organizasaun sosiedade sivil sira ne’ebé maka servisu ba moras la hadaet. Iha enkontru south Asean nian, kuaze nasaun sanulu resin ida hamutuk ho Timor maka partisipa iha enkontru refere no organiza hosi Searoute.

“Aliansa Nasional Anti Tabaku ho visaun katak ita hakarak Timor-Leste ida ne’ebé maka livre hosi mate tanba kauza hosi tabaku, no misaun katak ita hakarak halibur forsa sosiedade sivil hotu, kolabora ho governu, seitor privadu hotu, academia no paeseiru internasional sira ne’ebé maka apropriadu iha dezenvolve ba inplementasaun planu ba prenvensaun no redusaun tabaku iha timor-leste,”Sancho afirma.

Alende ne’e sira mós sei halo kampaña nasional, worshop nasional sira no sira mós sei servisu iha advokasia para atu haforsa lian tabaku ne’ebé maka aprova ona hosi konsellu ministru.

Staff sekretariadu, Mateus Lemos Soares hateten joven maka ai ri’in no sai futuru  ba nasaun ida ne’e entaun ita hakarak koalia sigaru nia impaktu ba joven sira nia vida para atu garantia nasaun nia futuru.

“Pensamentu ida maka ha’u hakarak muda, joven sira la bele nakonu ho hanoin ida dehan fuma mós mate, la fuma mós mate, hanesan joven la bele hateke klo’ot I besik liu. Ne’e konteztu  ida ke ita hatete sala ba ita nia vida no hatete de’itt katak fuma ne’e risku ba ha’u nia vida I ha’u tenta atu hado’ok an,” nia tenik.

Lemos husu ba Ministeriu Edukasaun tenki sériu iha regulamentu intern aba edukasaun, hahú hosi ensinu báziku to’o ensinu superiortanba edukasaun maka fatin ida atu forma ema sai ema ida kualidade entaun edukasaun la’os eduka ema atu sai fumador iha área eskola nian, liu-liu tau regra sériu ida ba professor  no tun ba estudante sira, atu hateten livre hosi espasu, aredores eskola ninian. (Julia) 

Matadalan