Longuinhos Informa Situasaun Seguransa ba Presidente

DILI - Ministru Interior Longuinhos Monteiro, informa situasaun seguransa rai laran, ba Presidente Republika Taur Matan Ruak, hafoin vizita Presidente Republika Indonesia Joko Widodo.

Ministru Long hatete, nia mai iha Palasiu Presidente atu informa situasaun seguransa ba Presidente Republika Taur Matan Ruak, aumesmu tempu halo breafing ba aleadus konaba preparasaun autoridade nasional Ministeiru Interior, neebe mak halo hela levantamentus dadus konaba impaktu eldino iha Timor.

Presidente Repubublika Taur Matan Ruak husu ekipa nee ida nee bele servisu diak para depois iha planu apoia emerjensia ida neebe bele dehan diak, atu ita bele halo atendimentu ba ita nia populasaun, kuandu bainhira impaktu nee atinzi familia neebe mak presiza ajuda,”dehan MI Longuinhos ba jornalista sira, hafoin remata enkontru ho Presidente Republika Taur Matan Ruak, iha Palaciu PR Nicolau Lobato, Dili, Kuarta (03/02/2016).

Alende informa kestaun seguransa ba PR Taur, MI Longuinhos mos informa ba Presidente Republika katak, iha mudansa sikononiku iha fulan Janeiru, fulan Febreiru nee bele dehan katak udan sei mai intensif.

Iha parte seluk membru PN husi komisaun B PN, neebe trata asuntu Defesa no Seguransa, deputadu Jacinto Viegas hateten PNTL ho Forsa Defesa Timor Leste tenke hametin seguransa no estabilidade iha rai laran, tamba liu husi seguransa no estabilidade neebe hakmatek mak povu bele moris iha hakmatek nia laran. Informasaun kompletu iha STL Jornal no STL Web, edisaun Kinta (4/2/2016). Carme Ximenes

Suara Timor Lorosae