MKOTT Prontu Halo Tan Demostrasaun Hasoru Australia

DILI – Movimentu Kontra Okupasaun Tasi Timor (MKOTT) pronto atu halo tan manifestasaun neebe mak boot hasoru governu Australia, wainhira laiha resposta positivu konaba negosiasaun fronteira maritime.

Deklarasaun nee fo sai husi Responsavel Movimentu Kontra Okupasaun Tasi Timor, Juvinal Dias, ba STL iha Hotel Timor, Segunda (09/05/2016).

MKOTT agora iha planu sei halo servisu balu iha rai laran tanba ita iha intensaun atu fo nafatin sensebilizasaun konaba fronteira maritime ba ita nia komonidade, agora asaun ba kampu nee depende ba rejultadu konsiliasaun iha ONU tanba ita hatene sei persija tempu barak no ita hein tanba nee asaun kampu (demostrasaun) nee depende ba rejultadu,” dehan Juvinal.

Nia hatutan tuir nia monitorizasaun wainhira hare Australia hili ninia ema juis nain 2 ba iha ONU maka nia konsidera Australia iha duni vontade atu diskute fronteira maritime ho TL, no liu husi dalan nee nia mos espera TL bele hetan ninia direitu tuir direitu Internasional.

Iha fatin ketak Vise Prezidente Asosiasaun Combatentes da Brigada Negra (ACBN), Quito Tama-Laka, mos hatete iha nasaun barak mak apoiu TL hodi luta ba negosiasaun fronteira maritime kontra Asutralia.

Tuir Informasaun neebe mak STL hetan husi Parte Governu nian katak Governu Asutralia responde ona ejijensia TL nian neebe mak lori ona Australia ba iha ONU atu diskute fronteira maritime. Informasaun kompletu iha STL Jornal no STL Web, edisaun Tersa (10/5/2016). Thomas Sanches

Suara Timor Lorosae