Reguladór hosi área komunikasaun sosial timoroan simu pose iha loron-tersa

Jornalista na'in haat no jurista ida halo parte iha estrutura hosi Konsellu Imprensa Timor-Leste nian, órgaun regulador independente ida hosi área komunikasaun sosial, ho mandatu naruk ida hosi fiskalizasaun nian no simu pose iha loron-tersa ne'e.

Polémiku, CI hetan nafatin krítika hosi estranjeiru no iha Timor-Leste nia laran tanba bele hakotu liberdade imprensa iha nasaun ho mandatu mediador ida entre públiku no jornalista sira nune'e mós bele "fó disiplina ba jornalista sira kona-bá regulamentu rasik".

Aleinde atribui, renova, suspende no konfronta títulu profisional jornalista nian, CI foun, ne'ebé simu pose iha Parlamentu Nasional iha loron-tersa ne'e, iha mós responsabilidade hala'o rejistu hosi órgaun sira, entidade no meiu sira komunikasaun sosial nian.

Sekretáriu Estadu hosi Komunikasaun Sosial timoroan nian, Nélio Isaac, destaka ona iha deklarasaun sira ba Lusa importánsia hosi CI, hanesan "órgaun independente, reguladór hosi komunikasaun sosial", hodi rejeita krítika sira kona-bá intrumentalizasaun polítiku ka ekonómiku hosi órgaun.

Isaac fó hanoin katak elementu na'in haat hosi elementu na'in lima CI nian "serbisu kleur ona nu'udar jornalista, hanesan independente no bele tulun Estadu no Governu hodi rezolve dúvida sira entre públiku ho media sira".

"Ha'u hanoin katak sira sei kaer sira nia responsavbilidade independente hosi kbiit ekonómiku no polítiku", nia afirma no destaka "serbisu importante hosi fiskalizasaun no monitorizasaun, hosi média no imprensa sira nia serbisu" hosi CI, ne'ebé sei "kontribui mós hodi garanti liberdade imprensa".

Lei hosi Komunikasaun Sosial, ne'ebé hala'o iha Timor-Leste iha fulan-Novembru 2014, defini katak Konsellu Imprensa nian "iha atribuisaun importante sira hodi haree ba konduta profisional no étika hosi profisional sira jornalizmu no operadór sira nian hosi meiu komunikasaun sosial, nune'e mós hametin kumprimentu hosi kondisaun sira ba asesu no atividade jornalístiku nian".

Konstitui hanesan "entidade administrativu independente ida ne'ebé kaer sira nia atribuisaun no kompeténsia sira la depende ba diresaun ka orientasaun hosi kbiit polítiku nian", forma hosi elementu na'in lima: na'in rua nomeadu hosi jornalista sira, na'in ida hosi órgaun komunikasaun sosial no na'in rua hanesan sidadaun, na'in ida hanesan jurista ne'ebé dezignadu hosi Parlamentu Nasional.

Konsellu sei mantén atualizadu ba baze informasaun sira hosi empreza sira komunikasaun sosial nian, hosi organizasaun sira jornalista nian no hosi jornalista sira ne'ebé hala'o daudaun knaar sira, "determina no sukat asaun sira iha tribunál ne'ebé mosu tanba atividade jornalístiku nian, iha relasaun entre sidadaun sira, organizasaun sira, órgaun sira hosi Estadu nian no órgaun sira hosi komunikasaun sosial no hato'o opiniaun sira bainhira presiza hodi "rezolve problema sira ne'ebé mosu tanba asaun sira hosi atividade jornalístiku nian".

Promove diálogu entre operadór sira hosi komunikasaun sosial, sosiedade no órgaun sira Estadu nian no apoia organizasaun sira jornalista nian "hodi dezenvolve kompeténsia profisionál sira, tékniku no intelektuál sira hosi jornalista nian" hanesan mós sira nia kompeténsia seluk.

Ho mandatu ba tinan haat, ne'ebé bele renova de'it dala ida, CI hetan finansiamentu "lahó prejuizu hosi angariasaun reseita rasik, hosi dotasaun ne'ebé halo parte iha Orsamentu Jeral Estadu nian", no "dalan ba atribuisaun orsamentu nian la afeta independénsia hosi Konsellu Imprensa".

Estatutu hos CI, aprova iha fulan-Agostu tinan liubá, insisti iha "imperativu hodi hametin independénsia" hosi órgaun, liuliu iha "previzaun kona-bá jestaun hosi konflitu sira interese nian iha desizaun nee'bé foti no rekizitu sira hosi kualidade, garanti sira hosi independénsia no inkompatibilidade sira ne'ebé aplika ba membru sira hosi konsellu nian".

"Konsellu Imprensa bele atua iha sekuénsia hosi impulsu esternu, hanesan ezemplu pedidu hosi sidadaun ruma, hanesan ho nia inisiativu rasik, ho nafatin sentidu responsabilidade hasoru jornalista sira, órgaun komunikasaun sosial sira no sosiedade". refere hosi estatutu.

SAPO TL ho Lusa