Ataka Membru FFDTL, Joven Nain 3 Hatan Tribunal

DILI - Tribunal Distrital Dili halao julgamentu ba joven nain tolu, tanba halo agresaun fisika hasoru membru F-FDTL Mariano Gusmao.

Liu husi audensia julgamentu, tribunal la knsege halao julgamentu. Tanba iha tuir lei kazu nee ho natureza semi publiku lei fo dalan ba tribunal atu halo tentativa konsolidasaun ba parte rua atu dame malu, sekuandu lezadu prontu atu dezistensia ka dada fali prosesu nee. No arguidu sira sei halo deklarasaun ruma iha tribunal oin.

Sekuandu lezadu hakarak dada fali prosesu nee, tribunal sei homolonga ka taka hikas kazu nee. No arguidu tenke husu deskulpa no halo deklarasaun ruma katak sei la halo tan problema hasoru lezadu,” dehan juiz prosesu Jose Maria de Araujo iha TDD, Mandarin, Segunda (13/06/2016).

Hatan ba kestaun nee, lezadu Mariano Gusmao deklara atu dada fali kazu nee no perdua arguidu sira. Nunee arguidu sira mos husu deskulpa ba lezadu no jura sei la halo tan problema hasoru nia.

Ho ida nee tribunal homolonga hikas prosesu nee husi bulletin de krime. No absolve arguidu sira husi krime ofensas integridade fisika simples hasoru lezadu.

Tuir akuzasaun katak, iha loron 12 fulan Setembru 2015 tuku 20:00 otl iha salaun Esperansa Elemloi, Delta, lezadu Mariano Gusmao ba tuir serimonia sarani lezadu nia subrina nian iha salaun nee. Momentu nee ema ida naran Mauno mak ameasa no halo barullu iha salaun laran, ema nee kaer lezadu nia subrinu naran Marcus nia faru gola no hit sae maibe Marcus liki nia an hodi halo nia ba rai.

Audensia nee prezide husi juiz singular Jose Maria de Araujo, reprezenta Ministeriu Publiku Prokurador Nelson Carvalho. No arguidu sira hetan assistensia legal husi Defensor Publiku Olga Barreto. Informasaun kompletu iha STL Jornal no STL Web, edisaun Tersa (14/6/2016). Domingas Gomes

Suara Timor Lorosae