Fretilin-CNRT Sei Lahalo Koligasaun

DILI - Deputadu bankada Fretilin Paulo Moniz Maia hatete, partidu Fretilin ho CNRT sei lahalo koligasaun iha elisaun 2017, tamba estatutu no planu programa partidu rua nee lahanesan.

Fretilin tuir deputadu Paulo katak, hanesan oposizaun ba iha Governasaun ida nee para hodi bele segura dezemvolvimentu iha rai laran, laos Fretilin kontribui nee halo ona koligasaun ho CNRT.

Ita seidauk bele kolia bainhira ita seidauk hakat ba iha elisaun, neebe laiha dalan para atu Fretilin ho CNRT halo koligasaun, tamba estatutu no planu programa partidu rua nee lahanesan,”dehan deputadu Paulo, ba jornalista sira iha PN, Dili, Segunda (13/06/2016).

Nia hatete, koligasaun nee laos iha dalan klaran naran halo koligasaun, koligasaun nee bele antes de elisaun, depois maka atu ukun hamutuk karik nee buat ketak ida.

Iha fatin hanesan membru PN husi bankada CNRT Cesar Valente hatete, hare situasaun husi Aliansa Maioria Parlamentar (AMP), neebe forma ho partidu 5, neebe maka nia rejultadu labele halo sidadaun hotu senti dezemvolvimentu nee objetivu ba sira nia moris.

Entertantu Sekertariu Jeral Partidu Fretilin Mari Alkatiri hatete, Fretilin hakarak Demokrasia, tamba nee iha elisaun 2017 Fretilin tuir nia dalan, CNRT mos ba tuir nia dalan. Informasaun kompletu iha STL Jornal no STL Web, edisaun Tersa (14/6/2016). Carme Ximenes

Suara Timor Lorosae