Seidauk Hetan Pagamentu Truk Raut Foer Greve, Babo: “Estadu Sei Rezolve”

DILI – Kareta Truck hamutuk 40 mak too oras nee halo mogok ou la raut foer iha sidade Dili laran, tanba seidauk hetan pagamentu husi governu liu husi Ministeriu Estatal durante fulan lima nia laran.

Tuir Ministru Estatal, Dionisio Babo, ba jornalista sira iha salaun enkontru Ministeriu Negosiu Estranjeiru no Koperasaun Kuarta (1/6/2016) hatete, governu rekuinese duni maibe governu sei la halai no sei rejolve problema nee.

Governu sei la halai no sei resolve. Los duni ita iha atraju ituan tanba kamioneta sira neebe estadu aluga nee tuir lolos selu ona maibe tanba uluk ami selu osan sira nee liu husi bens de servisu neebe fasil agora foin lalais nee Konsellu Ministru deside katak prosesu pagamentu tenke liu husi aprovizionamentu tanba nee mak nia sistema nee muda, entaun ida nee mak halo tarde ituan,” dehan Babo.

Nia hatutan nia fo ona ordem ba parte aprovijionamentu atu halais prosesu nee hodi halo pagamentu ba kareta sira neebe mak raut foer, maibe maske seidauk selu governu kontinua fo nafatin kombustivel ba kareta neebe mak raut foer, tanba nee nia mos husu ba maluk neebe mak seidauk hetan pagamentu atu pasensia hodi hein tanba buat hotu sei lao tuir nia dalan.

Iha fatin ketak tuir Administrador Municipiu Dili, Gaspar Soares, mos hatete kamioneta hamutuk 50 nee iha rajaun wainhira halo greve hasoru governu, tanba seidauk hetan pagamentu durante fulan 5 nia laran. Informasaun kompletu iha STL Jornal no STL Web, edisaun Kinta (2/6/2016). Thomas Sanches

Suara Timor Lorosae