Horta: “Hau Rekomenda Ba Indonesia Rezolve Problema Direitus Umanus Iha Papua

DILI – Eis Prezidente Republika Jose Ramos Horta, halao vizita Papua hodi hare dereitamente situasaun Papua. Liu husi vizita nee Horta halo rekomendasaun ba Autoridade Indonesia atu taumatan ba situasaun iha Papua no rezolve problema direitu umanus.

Tuir Eis Prezidenti Horta katak nia ba vizita Papua tamba hetan konviti mai husi autoridade Indonesia. Vizita nee para hare ho matan konaba situasaun iha Papua, maibe ba vizita loron rua ka tolu nee la sufisente.

Maibe hau sei hare hanoin halo rekomendasaun ba autoridade Indonesia, hare oinsa para tau matan diak liu ba situasaun iha Papua nia, para rezolve problema direitus umanus, Prezidente Joko Widodo ho nia governu nia komitmentu tinan lima nia laran nee, nia hakarak rezolve problema Papua nia. Sira tenki duni governu, autoridade propinsial, joven sira no intekeltual sira, tenki tuur koalia hare oinsa rezolve problema nee, hodi fo respeitu, dignidade Papua sira nia, tamba iha duni problema,”hateten Horta, ba Jornalista sira, hafoun remata enkontru ho Prezidente Partidu Fretilin, Fransisco Guterres Lu-Olo, iha CCF, Comoro, Dili, Kinta (02/06/2016).

Eis Prezidente nee mos hatutan buat neebe iha duni positivu maka Governu Jakarta halo inisiativa rasik, loke dialogu iha Jakarta ba asauntu problema oi-oin, neebe uluk sira lakohi koalia, agora iha Indonesia sira koalia konaba 1975-1976, konaba Papua, ida nee mos kontravesi boot neduni difisil ba sira.

Iha parte seluk ativista Fransisco Gomes hateten Lider istoriku TL laos hanoin aat ba nasaun vizinu hanesan Indonesia hodi sobu, maibe TL hanoin oinsa atu kontribui rezolve problema entre estadu Indonesia ho Papua. Informasaun kompletu iha STL Jornal no STL Web, edisaun Sesta (3/6/2016). Joao Anibal

Suara Timor Lorosae