SSC REGISTA MORAS MALNUTRISAUN 617

Responsabel media officer SSC, Elia Reis Amaral informa, husi fulan Janeiru to’o Maiu 2016 sentru saude Comoro (SSC) regista ona  moras malnutrisaun 617.

“iha CHC comoro ami regista ona labarik idade 5 to’o 15  mak hetan malnutrisaun  nomos inan isin ruan sira ne’ebe hetan isin krekas  husi fulan janeiru to’o maiu iha ona moras malnutrisaun hamutuk 617 husi numeru ne’e afeita liu ba ema sira ne’ebe moris ho ekonomia lasufsenti ou ema ne’ebe kbit laek,“ hateten Elia Reis Amaral ba JN-Diario iha nia servisu fatin Sentru saude Comoro, Kinta ( 30/6/16).

Nia esplika, kuandu sentru saude Comoro mak hetan labarik malnutrisaun ou inan isin rua sira ne’ebe hetan isin krekas ou labarik nia tetu kilo lato’o, ami sei fahe batar uut no fo aimoruk vitamina ba sira para sira konsumu, nune’e sira nia saude bele rekopera fali.

“ami sempre fo batar, ami haruka sira han aifuan no modo tahan barak, tenki han manutolun, na’an karaun, hemu vitamina no deskansa barak,” nia esplika.Car

Jornal Nacional