DILI,
(ANTIL) – Timor-Leste liu-hosi Ministru Negósiu Estranjeiru no Koperasaun
Hernâni Coelho sei desloka ba Venezuela hodi partisipa simeira Movimentu Naun
Aliñadu (MNA).
Ministru
Hernâni informa, molok simeira ne’e hala’o ho nível xefi estadu no governu,
ministeriál liu-hosi ministru estranjeiru atus ida resin sei halo enkontru
dahuluk no iha enkontru ne’e Timor-Leste sei aprezenta kestaun importante
Timor-Leste no rejiaun nian.
“Kestaun
ne’e mak dezenvolvimentu sustentável, dezenvolvimentu ne’ebé kontinua para
labele halo eksploitasaun ba rekursu demaziadu pois tau iha kauza ba ita nia
sustentabilidade jerasaun tuir mai”, Hernâni iha MNEK, Praia dos Coqueiros,
Kuarta, (10/8).
Nia
hatutan, kestaun seluk ne’ebé sei ko’alia durante sorumutu maka tasi Timor no
kooperasaun rejionál iha ita nia rejiaun rasik nomós interasaun ho rejiaun sira
hanesan Europa, Amerika, Afrika no seluk.
“Tuir
mai ita sei halo ligasaun hodi haree interasaun entre organizasaun rejionál
sira atu hamutuk di’ak liu tan hodi servisu hamutuk kombate preokupasaun globál
hanesan terorizmu, mudansa klímatika no seluk”, nia afirma.
Tuir
ajenda, Simeira Movimentu Naun Aliñadu sei hala’o iha loron 17 to’o 18
fulan-Setembru iha Venezuela. (jornalista: Rafy Belo; editora: Rita
Almeida)
Foto:
Ministériu Negósiu Estranjeiru no Koperasaun Hernâni Coelho. Foto ANTIL/Antonio
Gonçalves
Sem comentários:
Enviar um comentário