Taxa
hosi dezempregu iha Reinu Unidu tuun ba 4,9% entre Maiu no Jullu, ki'ik liu
hahú hosi fulan-Setembru 2005 no kontra 5,5% iha períudu hanesan iha tinan
2015, fó sai iha loron-kuarta ne'e.
Tuir
informasaun hosi ajénsia estatístiku britániku (ONS iha sigla ho lian inglés)
ne'ebé fó sai iha loron-kuarta ne'e, dezempregu ne'ebé inklui dezempregadu sira
ne'ebé hetan subsídiu dezempregu nian no mós sira ne'ebé la hetan subsídiu to'o
ona ema millaun 1,63 iha fulan tolu entre Maiu no Jullu, menus dezempregadu
hamutuk 39.000 duké iha fulan tolu antes.
Númeru
hosi ema sira ho subsídiu dezempregu durante fulan-Agostu, fulan rua hafoin
"Brexit" manán iha referendu kona-ba saída nasaun nian hosi Uniaun
Europeia (UE), sa'e ba ema 771.000, liu ema na'in 2.400 duké fulan anterior,
adianta hosi ONS.
Saláriu
médiu sira hosi serbisu-na'in sira aumenta ona ba 2,3% iha Jullu, hasoru fulan
hanesan iha 2015, afirma ona hosi ONS.
Kona-ba
taxa empregu nian, ONS indika ona katak ne'e hanesan 74,5% iha Jullu, aas liu
hahú hosi tinan 1971.
Tuir
informasaun ne'ebé fó sai iha loron-kuarta ne'e, iha Jullu, ema millaun 23,25
serbisu ona iha Reinu Unidu ho tempu kompletu no ema millaun 8,5 serbisu iha
tempu parsial, liuliu aumentu ba 434.000 no 126.000 dulé iha fulan hanesan
tinan 2015.
Espesialista
hosi ONS Nick Palmer afirma ona iha loron-kuarta ne'e katak informasaun sira
hatudu katak merkadu serbisu nian kontinua di'ak, ho taxa serbisu ne'ebé aas.
SAPO
TL ho Lusa
Sem comentários:
Enviar um comentário