FRETILIN HALIBUR NIA PROFESIONAIS EDUKASAUN N LU-OLO: LA BELE HATUN MALU

Partidu FRETILIN, Sabadu (17/12/2016), halo konferensia nasional ida iha Comete Central FRETILIN hodi halibur nia profesionais husi Posto Administrativu 65.

Konferensia ida ne’e mai ho hanoin ida atu tau hamutuk potensial intelektuias FRETILIN nian hodi koalia ba malu buka solusaun ba difinisaun politika setor edukasaun nian.

Prezidenti Partidu FRETILIN, Francisco Guterres “Lu-Olo”, husu ba delegadus intelektuis FRETILIN nian atu fil aba ida-idak nia postu administrative hodi halo planu no buka identifika frakeza sira iha setor edukasaun para fila mai ajusta iha CCF atu hetan nia solusaun.

Lu-Olo fiar katak, profesionais husi posto administrative ida-idak hatetene  saida mak akontese iha terenu, saida mak sira infrenta loron-loron nian no kontinua halibur esperensia ho realidade hotu hodi lori mai aprezenta fali iha CCF iha tempu oin mai.

“Ami la bele hatete saida mak Partidu FRETILIN hakarak ba edukasaun, maibe ami iha ona hanoin iha tempu oin mai partidu sei halibur atu hare antes de elisaun Parlamentar oinsa maka define politika ida iha setor edukasaun nian,” hateten Lu-Olo.

Prezensa profesionais edukasaun FRETILIN nian buka atu ajuda FRETILIN atu difini politika FRETILIN nian iha setor edukasaun.

“Sira mos sei define sira nia tarefas, tarefas saida mak sira atu halo ba sira nia planu, atu bele lori implementa iha estrutura nia laran, liu-liu mak hari estatutu hodi kesi sira hamutuk para bele orienta sira nia aktividade ne’e to’o sira nia objetivu nebe sira iha,” afirma  Lu-Olo.

Halibur malu profesionais edukasaun FRETILIN nian ne’e mos atu fo apoiu ba tempu kampaha no eleisaun prezidensiais iha 2017.

Iha fatin hanesan, Prezidente Komisaun Organizador, Filomeno dos Reis Belo hateten, konfernesia nasional ba asosiasaun professionais edukasaun militantes FRETILIN  nian akomoda ema nain 135 atu fo apoiu masimu ba partidu FRETILIN iha eleisaun prezidensial ho eleisaun jeral 2017.

Tuir Filomeno katak, ida ne’e nudar esperansa ida atu militantens potensiais sira fo sira nia kontribuisaun direita ba lkompetisaun eleisaun prezidensial ho eleisaun jeral.

La bele hatun malu

Iha biban ne’e, prezidenti FRETILIN, Francisco Guterres “Lu-Olo”, apela ba militantes ho simpatizantes hotu FRETILIN nian atu matein paz no unidade. Tanba ne’e, la bele hatun malu no deskredita malu iha publiku.

Lu-Olo hateten, situasaun rai laran hakmatek no harmonia tebes, maibe atu  bele kontinua hakmatek liu, povu sira iha tenki nafatin kontribui no labele hatun malu no hasa’e malu, labele hakilar malu, ema hotu tenke respeita malu nafatin hodi nune buat hotu bele la’o ho diak.

“Tinan ne’e hanesan tinan politika maibe tempu kampaña seidauk to’o tanba ne’e hau husu ba povu tomak atu hakmatek la bele hatun malu no hasa’e malu, ita la bele hirus malu,” hateten Lu-Olo.nes

Jornal Nacional