PNTL SEI LA TOLERA FP UZA PATRIMONIO ESTADO IHA FERIAS

Komandante Polisia Nasional Timor Leste (PNTL) Munisipiu Dili, Superintendente Xefe Polisia, Pedro Belo hateten, ba oin PNTL laiha tan ona toleransia ba Funsionariu Publiku (FP) ne’ebe uja patrimonio Estado nian fora da servisu, sei detein iha sela polisia hodi kumpri 72 horas.

“Ami enkontru ona sira husi CAC nian ami desidi katak, apartir ohin ba oin mak ami kaptura tan kareta Estadu ou Governu laiha toleransia ona  no la aplika ona sensaun infreksaun ba sira, ami aplika ona krimi pekulatu ou krimi dezobendensia no bainhira ami kaer kareta Estadu, Governu iha dalan fora servisu sira uja, ami kaer detein kedas,” Komandante Polisia Munisipiu Dili, Superintendente Xefe Polisia, Pedro Belo, relata asuntu ne’e ba Jornalista sira iha ninia knar fatin, Caicoli-Dili, Sesta (09/12/2016).

Nia hatutan liu tan katak, detein iha sela polisia, parte polisia sei halo auto aprendesaun, auto notisia depois intrega ba Ministeriu Publiku (MP).

Tuir nia, wainhira kareta sira ne’e hetan prende, funsionariu sira ne’e la uja osan privadu, maibe dala ruma bele uja fali osan petekes nian, entaun Estadu lakon dobru, lakon ba kombustivel no lakon tan osan.

Tanba ne’e ba oin  polisia la aplika tan nota infreksaun ba sira hodi ba selu iha banku, maibe polisia sei aplika krimi pekulatu, dezovedensia komesa agora no ba oin.

Nia esplika, wainhhira aplika krimi pekulatu tuir kodigu penal artigu 196 bele hetan kastigu prizaun tinan rua ou selu multa,  no dezovedensia tuir artigu 193 hakarak momos iha ne’eba kastigu tinan rua ou multa, maibe desizaun sira ne’e kompetensia tomak iha Tribunal.

Konaba, sira ne’ebe mak laiha karta kondusaun kontra artigu 207 iha kodigu penal kastigu tinan rua ou selu multa.

“Husi artigu sira ne’e mak ami sei aplika ba sira tanba sira uja kareta la tuir regras, uja hanesan fali ba partikular,”esklarese Pedro Belo.

Hatutan nia, operasaun chekpint ne’e laiha data limitasaun ne’ebe iha parte loron nian chekpoint ba kareta reben no kalan chekpint ba kareta ne’ebe mak la’o ba mai fora husi servisu nian hanesan iha loron Sabadu ho Domingu.

Husi operasaun ba kareta Estadu ne’ebe hala’o durante loron hát (6-9)fulan Dezembru tinan ne’e, prende kareta Governu hamutuk 21 no motor Governu 3, motor ho kareta ninia selu lahanesan tuir tipu infrekasaun ne’ebe mak sira viola.

Nia sublina liutan, kareta balun simu ona nota infreksaun hodi ba selu iha banku tuir violasaun ne’ebe mak sira halo, tuir sirkulasaun ne’ebe mak fo sai ne’ebe mak laiha sapa martikula selu tuir infreksaun ne’e no kareta ne’ebe reben liu husi 40% selu mos multa, tanba rai komesa nakukun kareta reben liu husi 40%  sira la haree etrada bele mosu asidenti. Eus

Jornal Nacional