Instituto
Português do Oriente (IPOR) iha sesta-feira no sábadu, sei simu II Enkontru de
Pontos de Rede de Ensino de Língua Portuguesa iha rejiaun sudeste Ázia hodi
“fahe esperiénsia ba malu”.
"Ideia
maka atu fahe esperiénsia profesionál ba malu nomós ba sira ne’ebé ho kontestu
oioin”, esplika Patrícia Ribeiro, vogál hosi diresaun IPOR, hodi dehan tan
katak enkontru ba tinan ne’e sei reprezenta nu’udar "komponente ida ne’ebé
prátika liu".
Inisiativa ne’e sei halibur dosente 25 iha Konsuladu Jerál Portugal nian ba Makau, no hosi sira ne’e 10 mai hosi rai seluk, liu-liu hosi universidade Pekin, Xangai, Bangkok, Manila, Hanói no Goa, maibé enkontru ne’e “nakloke” ba ema hothotu ne’ebé hakarak, hatutan tan Patrícia Ribeiro.
Kona-ba edisaun dahuluk, ne’ebé hala’o iha 2015, foin maka hatama dosente hirak ne’ebé portugés la’os sira-ninia lian inan.
"Nu’udar kontributu ida ne’ebé importante tebes, ne’ebé hosi “parte seluk” bele halo mos ami hatene kona-ba esperiénsia, perspetiva no sira-ninia dezafiu”, hatutan tan.
Sorumutu loron rua nian ne’e, fahe ba “ofisina serbisu” tolu.
Materiál konkretu hirak ne’ebé partisipante sira halo, maka sei sai nu’udar hahú ida ba reflesaun kona-ba abordajen metodolójika, selesaun no uza suporte oioin, feramenta no teknolojia, inklui rezultadu hirak ne’ebé dosente sira aplika, hodi reflete komponente prátika nian ida, tuir IPOR fó sai.
SAPO TL ho Lusa – Foto: Macau - @cordeiro
Sem comentários:
Enviar um comentário