DILI,
(ANTIL) – Prezidenti Parlamentu Nasionál, Aderito Hugo da Costa fó
bemvindo ba Primeiru Ministru (PM), Rui Maria Araújo, |Tersa-Feira (5/12)
ohin iha plenaria diskusaun Orsamentu Jerál Estadu (OJE) 2017, hafoin loron
hirak PM halo tratamentu saude iha Singapura tanba asidenti rejulta nia kabas
tohar.
“Ami
haksolok, tamba ohin ita hamutuk fali ona ho ami, hodi ita halo diskusaun ba
OJE no aprova OJE, hafoin loron hirak PM husik hela ami. Ami hein tebes
ita-boot nia prezensa. Espera PM nia saúde rekopera ona,” Aderito Hugo da Costa
hato’o ida-ne’e bainhira diskusaun OJE iha Plenaria PN, Dili.
Sentimentu
ksolok maihosi Deputadu balun, inklui deputadu partidu Frente-Mudnasa, José
Luis Guterres, Deputadu husi partidu Fretilin, Mari Alkatiri no deputadu CNRT
balun.
Perante
Prezidenti Parlamentu Nasionál, deputadu no membru governu sira ne’ebé mak
asiste plenaria diskusaun OJE 2017, PM Rui Maria Araújo fó sai nia sentimentu
arepende ho dezastre ne’ebé mak nia hasoru iha loron hirak liuba no promote ba
futuru sei la sa’e tan ona biskleta.
“Asidenti
ne’e halo ha’u matan moos. Biskleta ha’u la sa’e ona, agora la’o ain de’it
ona,” PM Rui promote ho hamnasa.
Primeiru
Ministru hetan asidenti iha loron 22 Novembru2016, iha loron tuir mai nia
partisipa abertura diskusaun OJE iha loron 23 no desloka ba Singapura iha loron
24 Novembru no fila hikas mai iha Timor-Leste loron Sesta, 2 Dezembru 2016. (Jornalista
: Manuel Pinto/Editór: Otelio Ote)
Foto:
GPM
Sem comentários:
Enviar um comentário