Governu Seidauk Dezenvolve Setor Turismu

DILI - Setor privadu kestiona servisu governu too agora, seidauk dezenvolve diak setor Turismu iha rai laran, tanba setor turismu hanesan parte ida atu dada turista sira, hodi fo resetas ba estadu hodi redus dependensia TL nian ba osan mina rai.

Preokupasaun nee hatoo husi Diretur Jeral Camara Comersiu Industrua Timor Leste (CCI-TL) Nuno Trindade ba STL, Sesta (20/01/2017) iha nia knar fatin CCI-TL Akait Dili.

Hau hanoin setor turismu sai hanesan setor ida neebe atu dada turista sira tama mai, no fo opotunidade ba setor privadu sira atu halo investimentu iha rai laran, maibe realidade area turismu sira nee barak maka sei abandona hela tanba, governu laiha planu diak atu dezenvolve tan nee, susar atu dada turista sira tama mai,” dehan Nuno.

Nia dehan dala barak membru PN sira kestiona katak partisipasaun setor privadu iha setor turismu nee laiha, tanba nee atu dehan deit katak setor privadu sira pronto atu hola parte iha setor turismu, importante maka tenke hadia uluk kondisaun no hasae kapasidade setor privadu rai laran.

Iha parte seluk Reprezentante povu iha uma fukun PN, Deputadu Paulino Monteiro mos hatutan, los duni tinan-tinan alokasaun osan ba iha Ministeriu Turismu ho montante neebe boot, maibe too agora area turismu barak maka governu seidauk dezenvolve diak, tan nee susar atu dada turista sira. Informasaun kompletu iha STL Jornal no STL Web, edisaun Sabado (21/1/2017). Madalena Horta

Suara Timor Lorosae