Deskonfia LPV Hamosu Dez-Igualdade, TR Husu Opiniaun PN-MP

DILI - Alterasaun lei pensaun vitalisia deskonfia hamosu dez-igualdade tratamentu saude ba ukun nain no povu, tan nee tribunal rekursu (TR) husu Parlamentu Nasional (PN) no Ministeriu publiku aprezenta opiniaun.

Tuir Prezidente Komisaun Eventual alterasaun lei pensaun Vitalisia Deputada Izilda Soares katak, tribunal rekursu hakarak hatene opiniaun husi Parlamentu Nasional konaba dez-igualdade tratamentu.

Tribunal hakarak hatene kona ba Dez-igualdade tratamentu katak ema boot tratamentu saude iha liur maibe ema kiik iha timor mais laiha tamba depende junta medika,” dehan Izilda ba STL Segunda (20/02/2017) iha PN.

Nia hatete tratamentu nee depende junta medika ninia diferenta mak membru parlamentu, governu no prezidente selu mak haruka ba, maibe povu sira neebe mak haruka ba iha rai liur nee estadu mos selu.

Iha fatin Vice prezidente Komisaun A PN Arao Noe hatete, tribunal haruka ona alterasaun lei pensaun Vitalisia mai PN, tamba prezidente husu apresiasaun ba Tribunal husu Parlamentu hanesan orgaun neebe aprova lei.

Iha fatin hanesan prokurador jeral republika Jose Ximenes hatete Ministeriu publiku prepara tiha ona resposta tamba tribunal husu prokurador jeral nia opiniaun no mos parlamentu nasional nian. Timotio Gusmao

Suara Timor Lorosae