Kalohan Kandidata Aan Ba PR Hanesan Lalatak La Sama

Ainaro - Antonio da Conceicao  Kalohan hamriik kandidata aan ba Prezidente da Republika, hanesan lalatak La Sama, neebe husu ba Ainaro oan atu fo fiar ba Kalohan ba tuur hanesan prezidente, atu hodi hatutan nafatin libertasaun povu no mehi aman nasaun sira nian.

Tuir Kandidatura Prezidente da Republika Antonio da Conceicao Kalohan hatete katak, ohin nia mai hamriik hanesan lalatak  La Sama nian hodi hamutuk ho matebian sira seluk heroi sira neebe foo aan, isin no ran ruin ba rai ida nee hodi hatutan buat neebe sira halo ona ba rai ida nee. Nia agradese ba Partidu  politik sira apoiu  ba nia hodi hamriik iha oin halo reprezentansaun  partidu politik hotu no hatutan mehi ba ukun rasik aan, i mehi atuTimor-Leste  bele hasai povu iha fatin dignu hanesan nasaun sira seluk.

Hau mamriik  ohin hanesan lalatak La Sama nian, haree ba  Ainaro eroi ida  i jerasaun foun hanesan imi hanesan mos hau, neebe fo nia dedikasaun no kumprimisiu atu hatutan libertasaun povu no hatutan mehi aman nasaun sira nian. Aman sira agora dadaun mak tau  matan hela mai Timor oan, nia mak La Sama neebe servisu too mate iha nia misaun i mate tanba dedikasaun ba rai ida nee,” katak Kalohan iha kampana iha Kampana Kalohan Sesta (10/03/2017) iha Ainarao Villa, kampu futebol.

Nia hatete, ohin kampan  iha Ainaro  husu imi nia votus, atu  fo ba Kalohan tanba nia  prontu atu servisu ba povu ihaTL, neebe hamriik hanesan kandidatu Prezidente  laos atu hadau kadeira no ukun, maibe rekonese katak maun sira husik ona familia no vida moris hanesan ema bai-bain, hodi halo sakrefisiu tomak lao hodi defende rai  Timor too ohin loron ukun aan, independensia neebe  hetan mai husu Xanana, Taur, no balu mate ona  inklui veteranus sira neebe agora sei iha, tanba nee tenke respeitu ba sira.

Iha kandidatura ba PR nee nain 8 sira hamriik povu mak fihir atu haree ida neebe mak sai ukun, neebe Kalohan tenke dehan katak nia mak  reprezetasaun dignu ba povu Timor-Leste.

Nunee mos prezidente Partidu PD Mariano Asanami Sabino hatete iha kampana katak, PD oferese Kalohan hodi kandidatu ba PR, neebeKalohan  kandidatu ba partidu hotu neeebe mak eziste hanesan PLP, PUDD khunto no partidu seluk tan.

Nia mos informa, haree ba kalohan hanesan mos La Sama neebe La Sama Ainaro oan neebe dignifika povu Ainaro katak ema labele sama. Maibe ohin mai fali ho Kalohan, hatudu katakn Kalohan lor-loron ho povu, neebe Kalohan amigus ho povu iha iha fatin hotu neebe PR atu hamutuk ho imi.

Iha fatin hanesan, Jose dos Santos Naimori Konseleru Superior Partidu Khunto hatete,  Khunto hakarak ema neebe tuur iha Prezidente tenke respeita no rona,  hodi ba tuur iha prezidente atu ukun rai ida nee. I  nia  fo parabens, tanba militante sira  organiza malu diak, unidade no disiplina. Guilhermina Franco

Suara Timor Lorosae