TL Depende Ba Fundu Minarai, Kuidadu Impresta Osan

DILI – Timor Leste (TL) durante ukun aan too mai agora depende makas ba fundu minarai no impresta osan mos makas husi ADB, Banku Munmdial no Jica, tanba agora governu tenke kudadu ona atu imperesta tan osan, se lae bele hamate futuru jersaun foun sira nia.

Lia hirak nee hatoo husi Ekonomista Jacinto Cardozo, ba STL iha nia knar fatin, Campun Baru, Comoro, Dili, kinta (16/03/2017).

Ita nia governu impresta osan husi doadores sira hanesan Jica, banku mundial no ADB hodi hadia Estrada Dili ba tibar, liquisa, tibar ba gleno, maubara karimbala, too agora tusan sei sae ita, seidauk selu remata governu hanoin tan atu impresta osan husi nasaun balun hodi hadia Aero Portu Nicolau Lobato, nee hatudu katak jersaun tuan sira hakarak hamate duni jersaun foun sira iha futuru mai, tanba ita nia osan fundu minarai nia hela deit ona billaun 15 resin maka iha banku, tanba nee ita tenke kuidadu ona impresta osan husi nasaun seluk,”hateten Jacinto.

Ekonomista nee mos aumenta tan katak sistema governasaun husi primeiru governu too mai agora, nunka tau atensaun ba agrikultura, peska no turismu, tanba depende deit ba osan fundu minarai nia hodi halo dezenvolvimentu, neduni agora ba oin jesaun foun maka sei selu tusan sira nee.

Reprezentante povu iha uma fukun parlamentu nasional Vise Prezidente Komisaun E Deputadu Manuel Castro hatete, Uza osan imprestimu hadia Estrada tenke halo estudo viabilidade atu nunee ezekuta projetu garantia kualidade.

Iha parte Seluk Dirijente husi Area Petroliu Abilo Alves hatete, Governu ho politika imprestimu osan husi doador banku mundial, Jica, Asian development bank (ADB) hodi halo dezenvolvimentu iha rai laran, maibe ida halo tusan ba jerasaun foun sira, tanba TL depende reseitas husi minarai, agora produsaun mina menus. Joao Anibal

Suara Timor Lorosae