Eis-Prezidente
timoroan Taur Matan Ruak eleitu opiniaun jeral ba prezidente hosi Partidu
Libertasaun Popular (PLP) iha kongresu inaugurasaun hosi forsa polítika ne'ebé
harii iha tinan 2015 nia rohan no ne'ebé maka aprezenta ba dala uluk ba
eleisaun sira loron 22 Jullu.
Oras
balun hafoin hakotu mandatu, Matan Ruak aklamadu iha kongresu PLP nian ne'ebé
durante findesemana ne'e hili estrutura sira hosi partidu nian, inklui
visi-prezidente na'in neen, Komisaun Jurídiku, Komisaun Fiskalizasaun nian,
Ekonomia no Finansa no Komisaun Polítika Nasional.
Taur
Matan Ruak nia eleisaun hanesan informasaun ida ne'ebé hetan ona maski halo
votu sira, tanba sai hanesan naran úniku ne'ebé aprezenta ba prezidénsia PLP
nian ne'ebé hahú iha loron-kinta liubá ho delegadu na'in 1.363 no
"fundador rihun 35", hatete hosi Abel da Silva, hosi komisaun
organizadora enkontru nian, ba Lusa.
Bainhira
hahú, Taur Matan Ruak ne'ebé hanesan mós auzénsia ida ne'ebé evidente tebes no
prezensa ida markante tebes - pelumenus iha kamizola sira no iha diskursu sira
hosi kongresista sira - iha loron dahuluk hosi Kongresu partidu nian, ne'ebé
hatete katak iha baze hosi "prinsípiu justisa sosial ida".
Kuaze
diskursu tomak refere ba Taur Matan Ruak, ho militante balun garanti ona katak,
hahú loron-sábadu, xefe Estadu no eis-guerilleiru sei komanda partidu, ne'ebé
moris ho tema "Hisik Kosar Ba Moris Diak".
Hafoin
ne'e maka homenajen boot ho Taur Matan Ruak kaer lideransa partidu nian ne'ebé
nia hakarak lori ba votasaun iha lejislativu sira loron 22 Jullu nian.
Ba
militante sira, Matan Ruak husik ona diskursu ida hasoru korupsaun, hodi afirma
katak osan nunka sosa nia dignidade no mós nia partidu.
"Ha'u
nia mehi maka atu terus no matan-been sira hanesan de'it ba ha'u, labele ba
ha'u nia oan sira no ha'u nai bei-oan sira", nia hatete no apela atu asaun
polítiku defende nafatin dezenvolvimentu hosi sidadaun sira iha prosesu
dezenvolvimentu nian.
Responsável
hatete ona katak to'o ona tempu atu joven sira kaer knaar ativu ida iha
dezenvolvimentu, ho populasaun mantén tolerante kona-ba diferensa sira ne'ebé
sosiedade timoroan rasik iha.
Adérito
Soares, prezidente interinu hosi PLP to'o kongresu iha findesemana ne'e, hatete
ona ba Lusa katak partidu moris hanesan uniaun ida, iha fatin seluk, hosi
veteranu sira luta nian no mós hosi grupu intelektual timoroan sira ho tinan
entre 30-45, simu formasaun liuliu iha estranjeiru.
"Ami
senti otimizmu katak ami sei sai hanesan poder forte ida iha senáriu polítiku
Timor nian. Ami sei konta ho imi. Bainhira votu hahú hosi loron ne'e to'o
semana ida tuirmai, ami sei konsege iha mínimu fatin 15", nia afirma.
Hetan
fatin 15 iha parlamentu hosi fatin hamutuk 65 implika atu hetan kuaze votu
rihun 126.
SAPO
TL ho Lusa
Sem comentários:
Enviar um comentário