Kondutor Barak Latau Importansia, Ba Sinaiz Tranzitu

DILI - Polisia Nasional Timor-Leste (PNTL) liu husi Unidade Polisia Tranzitu (Poltraz), konseder motorista barak latau inportansia ba sinaiz tranzitu. Tanba nee Poltraz kontinua halo kontrolasaun ba transporte publiku neebe kontra sinais tranzitu.

Tuir Komandante Poltraz Nasional, Inspector Xefe Polisia, Antonio L. C. Soares katak, kontrolasaun neebePoltraz halo haree liu ba iha fatin para nian. Tanba kondoutor sira neebe lori kareta pasajeiru hanesan Mikrolet sei nafatin latau importansia ba iha sinaiz tranzitu   iha ona Kapital Dili.

Kondoutor sira dalaruma haluha sinaiz tranzitu neebe tau ona iha dalan publiku bandu labele para mos dalaruma sira para deit. Nunee iha kruzamentu bainhira haree ema hamrik iha krizamentu mos sira para deit, ida nee mak konsidera kondutor sira lakumpre sinaiz tranzitu.

Tuir lolos sira para iha uma oan neebe monta iha dalan publiku sai hanesan fatin terminal ida ba iha pasajeirus.

Ami nia kontrolsaun sei nafatin lao hodi haree nafatin kondoutor sira neebe seidauk iha komprendesaun ba sinaiz de tranzitu,”katak Antonio ba STL iha Kuartel Jeral PNTL Caicoli Dili, Sesta (16/6/2017).

Tuir Antonio katak, tanba kondoutor sira nee sira nia entrese ba liu osan, nee duni sira laharee atu para iha fatin neebe los nee mak nebe, entaun bele dehan kondoutor sira lakohi atu kumpri sinais de tranzitu neebe marka ona iha estrada publiku.

Tuir lolos kondoutor ida nia iha ona karta kondusaun nia tenke hatene ona sinal sinais tranzitu, tanba bainhira nia tuir teste atu hetan karta kondusaun esplikasaun kona-ba sinais de tranzitu iha ona.

Tanba iha testu ba atu hetan karta de kondisaun otomatikamente hetan ona testu teoria no testu pratika. Bainhira iha karta kondusaun sira hatene klean ona kona-ba sinais ninian.

Maibee dalabarak kondoutor sira halo finsi hodi lakohi kumpri sinais. Tanba nee Poltraz nasional ho Poltraz Munispiu Dili hodi kontrola nafatin kondoutor mikrolet no taxi.

Iha sorin seluk tuir Kondoutor Taxi Gil da Cruz Pires, lolos nee laos kondoutor sira lahatene sira hatene. Maibee tanba deit pasajerus sira hamrik latuir fatin neebe prepara kondoutor sira para deit tanba atu hetan osan lalais.

Hau hanesan kondoutor husu ba DNTT no Poltraz, atu sosializa sinaiz tranzitu ba komunidade sira kona-ba, atu nunee komunidade mos bele komprende kona-ba sinais sira hotu,”esplika nia.

Alende nee mos tuir kondoutor Mikrolet Leo Nito Pereira hatete, laos dehan ami lahatene regras tranzitu, maibee tanba ami mos hakarak para iha fatin neebe pasajeirus hein barak.

Tanba nee tenke halo mos sosializasun ruma ba mos komunidade sira, atu nunee komunidade hein transporte publiku karik hein iha fatin sira neebe monta ona iha estrada publiku. Sonia Ferreira/Joao Fatima

Suara Timor Lorosae