PNTL Sei Intrega Georgios Nikolaos Cs ba POLRI

DILI, (TATOLI) - Polísia Nasionál Timor-Leste (PNTL) liuhosi Komandu Jerál PNTL plania ona atu intrega Georgios Nikolaos Cs ba Polísia Indonézia (POLRI) iha tuku rua meudia orsida, Sesta (23/06).

Parte PNTL sei intrega Georgios Nikolaos Cs ba Diretór SABHARA POLRI Bali, Komisariu I Gusti Bagus Suteja, nu’udar reprejentante hosi ulun boot Polísia Bali nian.

Tuir lolos Komandante Polísia Bali Inspektur Jenerál POLRI Petrus Golose mak sei simu fujitivu nain rua maibe la bele marka prezensa hodi simu Fujitivu (buronan) nain rua ne’e tanba okupadu ho servisu seluk iha Bali relasiona ho vizita eis-prezidenti Estadus Unidos Barrack Obama iha Bali hahú ohin, Sesta (23/06) to’o loron, 26/06.

Fujitivu nain rua ne’e parte PNTL liuhosi Unidade Polísia Maritima (UPM) ho Servisu Investigasaun Kriminál (SIC) kaptura iha portu Dili, horseik, Kinta (22/06) mais ou menus tuku 10H00 oras Timor-Leste bainhira ema nain rua ne’e hakat ba portu hodi taka vistu.

Antes kapturasaun Fujitivu nain rua ne’e hela ona iha Ótel Novu Turismu durante loron rua.

Sira nain rua tama iha Timor-Leste ho Ró-ahi tanba halai sai hosi prizaun Bali Indonézia. hosi kastigo tan komete kazu droga no fase osan.

Entrega sira nain rua ida  Georgios Nikolaos nu’udar sidadaun Thessaloniki, Yunania Norte no ida seluk Indiano.

Entertantu Komisariu I Gusti Bagus Suteja, sei to’o iha aeroportu Nikolau Lobato iha tuku 13H30 oras Timor-Leste.

(cml-tatoli) Foto: Komisariu I Gusti Bagus Suteja