Kazu Cabo Verde, Estudantes La Kumpri Kontratu Husi ME

DILI – Relasiona ho kazu Cabo Verde, neebe mak durante nee sai preokupasaun iha  publiku, tanba nee, Ministeriu Edukasaun  (ME), konsidera katak, iha estudante balun neebe mak  la kumpri ona  kontratu ho  ME.

Lamentasaun nee hatoo husi  Vise  Ministru   Edukasaun  II  (ME), Abel  Ximenes, hatete, kazu  ida  Cabo  Verde ninia nee, ME  buka  assume  ninia komprimisiu, estudante  balun la seriu, no estudante  ba iha nee  ba  asina kontratu, tuir hau nia haree nee, estudante balun too nee ba, la kumpri ona  kontratu neebe mak nia asina ho ME, depois inan aman barak kuaze abandona oan sira iha nee ba.

Kazu  ida  Cabo  Verde ninia nee, ME  buka  assume  ninia komprimisiu, estudante  balun la seriu, no estudante  ba iha nee  ba  asina kontratu, tuir hau nia haree nee, estudante balun too nee ba, la kumpri ona  kontratu neebe mak nia asina ho ME, depois inan aman barak kuaze abandona oan sira iha nee ba, lamenta deit, la menta deit, maibe la buka ajuda ninia oan, ou hamutuk ho ME  para buka  solusaun neebe  diak,”dehan  vise  ME  II  Abel ba  STL   iha salaun INFORDEPE  Dili  Kinta  (22/06/2017).

Vise  ME, Abel,  akresenta,  alende   ME    governu no estadu assume nafatin  ninia komprimisiu, maibe iha parte tolu neebe mak tenke  servisu hamutuk estudante, governu  no inan aman rasik.

Iha parte seluk, deputada  husi bankada  FRETILIN, Ana  Ribeiro, hatete, bolseiru  sira neebe mak  ba kontinua sira nian estudu iha  liur nee, governu mak haruka sira  ba liu husi teste ida, entaun sira nee  ba para atu estuda no uza oportunidade neebe mak diak, atu nunee  fila-fali  mai  Timor  dezevolve rai ida nee ba oin, no prepara  rekursu umanu neebe mak  kualidade  ba  nasaun ida nee. Jacinta Sequeira/Guilhermina Franco

Suara Timor Lorosae