DILI,
(TATOLI) - Estudante Universitáriu hein katak dadus rekursu umanu ne’ebé
FDCH (Fundo Desenvolvimento Capital Humano) análize ho apoiu husi Victoria
University (VU) importante tebes hodi promove the right man on the right
place ka ema loos ba fatin ne’ebé loos iha Timor-Leste. Labele hanesan
realidade estudante balun ba estuda iha Austrália, Nova Zelándia, Portugal,
fila mai la koloka tuir área.
“Ita
konsidera la put the right man on the right place, maibé right man on
the wrong place,” finalista Universidade Nacional Timor Lorosa’e (UNTL), João
Carlos Freitas ba Ajénsia TATOLI, bainhira hasoru malu iha Ministériu Negósiu
Estranjeiru, Kinta (05/07).
Nia
fó hanoin se governu halo ona avaliasaun kona-bá rekursu umanu liuhosi servisu
FDCH ida ne’e, husi parte akadémiku haree, kapas, di’ak maibé husu atu
dezenvolve nafatin.
Basa
haree hosi prespektiva Objektivu Dezenvolvimentu Sustentavel (ODS), Timor tenke
halo investimentu iha kapitál umanu, paralelu ho ODS nune’e bainhira
infrastrutura, turizmu no seluk tan Timor hala’o hotu ona, rekursu umanu mós
prepara tiha ona.
“Ha’u
louva i kapas, ita presiza promove the right man on the right place atu
nune’e bele dezenvolve no iha koerénsia ho ita-nia dezenvolvimentu nasaun,”
João apresia.
No
husu ba maluk estudante ne’ebé ramata ona nia kursu iha universidade bainhira
la iha iha empregu, tenki kria auto-empregu ka serbisu ba aan rasik ka ba ema
seluk liliu sira ne’ebé mak presiza.
Notísia
relevante: http://www.tatoli.tl/2017/07/agostu-fdch-publika-dadus-rekursu-umanus/
Jornalista:
Rafy Belo, Editór: Manuel Pinto
Foto:
João Carlos Freitas
Sem comentários:
Enviar um comentário