FM Aseita Desizaun Komandu F-FDTL

DIlI - Organizasaun Naun Govermental Fundasaun Mahein (ONG-FM) aseita medida husi komandu Falintil Forsa Defesa Timor-Leste (F-FDTL) ba soldadu nain rua (2) neebe mak gas-motor iha Munisipiu Same iha tempu kampania.

Tuir Adjuntu Diretor Fundasaun Mahein, João Almeida katak, kazu neebe akontese iha Munisipiu Manuhafe deskonfia envolve soldadu F-FDTL halo  movimentu gas motor lian boot  ho kondisaun lanu banihira partidu politik balun halo nia kampania.

Kazu nee rasik komandu F-FDTL hatoo ona katak, hola ona medida disiplinar, foti soldadu nain rua nee transfere ba iha primeira Batailaun Baucau nee mak medida neebe hodi   prosesu sira nai rua.

Hau fiar katak kazu nee laos organizasaun, asvez insidental ho kondisaun neebe lanu nee mak hamosu asaun nee iha atividade kampania. Loloos aktu sira hanesan nee labele akontese, tanba nee mak fundasaun mahein aseita ho desizaun komandu nia hola medidas tuir regulamentu disiplinar militar nia tantu hasai soldadu rua husi Postu F-FDTL Betanu  transfere ba Baucau. Nunee  submente  ba investigasaun  kona-ba aktu neebe sira komete,” dehna João ba Jornalista sira iha nia fatin Fomentu, Kinta (6/7/2017).

Tuir João, hui investigasaun nee rasik   bele konfirma asaun husi soldadu nain rua neebe mak halo baruilhu iha momentu neeba.

Hau hanoin dezisaun neebe mak komandu hola ezatamente tuir tiha ona lei regulamentu disiplinar militara. Primeiru transfer sira nain  rua (soldadu) husi postu F-FDTL Betano ba Baucau hodi submete ba investigasaun.Tanba nee mak ita seidauk bele iha konkluzaun ida, ita hein ba rezultadu investigasaun,”katak João.

Tuir Fundasaun Mahein nia hanoin tuir lolos asaun sira hanesan nee labele akontese iha tempu neebe Partidu Politika sira halo kampaina eleisaun parlamentar, tanba ida nee bele kria presepsaun iha publiku, bele dehan perturba aktividade pulitika nia dalaruma bele mosu deskonfia seluk fali.

Iha sorin seluk Deputadu Cesar Valente dehan, ba situasuan ida nee komandu Geral F-FDTL tenke halo investigasun hodi bele foti desizaun liu husi kuadramentu legal.

Hau hanoin se iha misaun de servisu mak sira halo buat dia nee hanoin instituisaun tenke foti desizaun. Maibe, hau fiar katak iha Forsa Armada sei lahalimar ho soldadu neebe deskonfia halo problema, sira sei hetan sasaun ruma husi forsa armada,” dehan Cesar.

Tuir Cesar katak,  medidas neebe  komandu fo katak desarma  kilat,  bele mos halo limpeza durante fulan ida ka fulan rua ida nee medidas ida neebe  koresponde  ona infrasaun neebe  sira halo.

Bele mos sulan iha sela, bazeia ba infrasaun krime neebe sira halo hasoru instituisaun komunidade ou kontra umanidade. Lucia Ximenes

Suara Timor Lorosae