Fretilin-PLP-Khunto Koligasaun, Alkatiri: PD Tama Governu Inkluzaun

DILI - Koligasaun entre Fretilin, PLP ho Khunto para hetan maioria absoluta hodi sustenta Governu, maibe lataka dalan ba partidu seluk hodi bele garante politiku ida inkluzivu iha Parlamentar.

Hafoin remata inkontru ba segundu ronde entre Partidu Fretilin ho PD iha Hotel Novu Turismu, Dili, Sesta (18/08/2017).

Sekertariu Jeral partidu Fretilin mari hateten, Koligasaun ida ke ihA dadauk Fretilin, PLP ho Khunto nee para hetan maioria absoluta ida para sustenta Governu, maibe Governu ida mai nee sei forte liu tan, tanba iha inkluzaun, no PD tama ba iha inkluzaun nee.

Hau dehan koligasaun ida ke iha dadaun lao dadauk Fretilin, PLP ho Khunto nee para hetan maioria absoluta ida para sustenta Governu, maibe hau hanoin Governu ida mai nee sei forte liu tan, tanba iha inkluzaun, no PD tama ba inkluzaun,” dehan Sekjer Partidu Fretilin Mari.

Tanba lideransa PD tuir aman fundador Falintil nee katak, Sira Komprende ona prosesu ida nee, no hakarak atu servisu hamutuk ho Fretilin. Portantu durante kampania nia (Red.Sekjer Partidu Fretilin Mari) katak Fretilin manan maioria absoluta mos sei inklui nafatin inkluzaun, no lamanan maioria absoluta sei buka dalan ida ke bele iha plataforma diak.

Iha fatin hanesan Prezidente Partidu PD Mariano Asanami Sabino hateten, Desde inisiu PD sempre dehan ona prontu atu servi, tanba nee ohin PD aseita viabeliza hola parte iha Governu ida nee to iha tinan 2022.

Nia dehan, Atu dehan katak koligasaun para atu hetan 33 nee rekezitu kontitusional, mais Governasaun aberta neebe maka ema independente, ou ema partidu bele tama iha Governasaun. 

Carme Ximenes | Suara Timor Lorosae