DILI,
(TATOLI) – Ministru Planeamentu Investimentu Estratéjiku (MPIE), Kay Rala
Xanana Gusmão, ohin, la marka prejensa iha lansamentu livru retratu mandatu
governu ba tinan 2015 to’o 2017 iha salaun Ministériu Negosiu Estranjeiru no
Koperasaun, Praia dos Coqueiros, Dili tanba konsentra konferénsia partidu
Kongresu Nasionál Rekonstrusaun Timor (CNRT-sigla portugés).
“Partidu
CNRT ohin atu halo konferénsia, entaun Xanana Gusmão hanesan prezidente partidu
la prezensa iha lansamentu retratu VI Governu Konstitusionál tanba nia sei
konsentra iha servisu partidu nian”, informa Xefe Governu, Rui Maria de Araújo
liuhosi konferénsia imprensa.
Mesmu
nune’e, Ministru Obras Públikas Transporte no Komunikasaun, Gastão Sousa maka
reprejenta Xanana Gusmão nu’udar MPIE iha eventu ne’e.
Nia
dehan, VI Governu Konstitusionál besik remata ona, tanba ne’e serimónia ne’e
hanesan Xefe Governu simu formalmente relatóriu ne’ebé ministériu sira prepara
iha dokumentu ida hanaran “VI Governasaun”.
Nia
hatutan, dokumentu laran rezumu kona-ba saida mak governu halo iha tinan rua ho
balun nia laran, tanba ne’e retratu sai hanesan dokumentu ida husik ba públiku
atu haree, enkuantu governu atuál sei husik hela dokumentu ne’e ba governu
foun.
Akresenta,
governasaun foun mai tenke respeita prinsípiu responsabilidade atu priénse
dezenvolviementu nasionál, nune’e espera, governu foun bele haree hodi foti
desizaun ba programa ne’ebé estimuladu.
Enkuantu,
relatóriu ne’e sei guarda iha folder hafoin entrega ba xefe governu foun ne’ebé
mai ho objetivu atu halolon servisu VI Governu Konstitusionál halo.
Entretantu,
Xefe Govenu rekomenda ba governu atu promove, liu área jestaun no kompromisu
polítiku ne’ebé halo iha aktu eleitorál.
Jornalista:
Zezito Silva | Editora: Rita Almeida
Foto:
Membru governu sira bainhira hasoru retratu hamutuk hafoin serimonia
lansamentu. Foto Tatoli/Antonio Goncalves
Sem comentários:
Enviar um comentário