Irigasaun Maliana II (dois) iha mota Malibaca husi Tempu ba Tempu At Ba Bebeik

Ekipa KLEJOTAMO halo Konferensia Imprensa no foto mota ulun Malibaca iha Irigasaun Maliana II, 21 Jullu 2017

Komunikadu da Imprensa

Bazeia ba KLEJOTAMO-Klibur Estudante no Joventude Tapo/Memo-Oan nia peskiza ho monitorizasaun hare katak irigasaun Maliana II (dois)lokaliza iha mota Malibaca Suco Tapo/Memo, Posto Administrativu Maliana, Munisipiu Bobonaro. Iha ne’ebé irigasaun Maliana II ida nee hahu primeiru ninia konstuksaun iha tinan 1981 husi tempu ne’ebá populasaun Suco Tapo/Memo ke’e rasik ho liman depois mak komunidade Tapo/Memo komesa hala’o sira nia natar. Natar Suco Tapo/Memo ne’e ho ninian luan total hamutuk 2.270 hektares. Iha parte seluk natar ne’ebémak la uza besik 1000 hektares, natar sira ne’e mak natar Hago kere, natar Zupal galak, natar Cibo mil, natar Cibo gulo no natar Fehek. Ho razaunida ne’e irigasaun Maliana II mos bele fó apoiu agrikultór sira aumenta produsaun ai-han rai laran no bele hamoris populasaun hotu em jeral iha Timor-Leste. Ne’e sorin ida.

Iha parte seluk, se irigasaun Maliana II ida ne’e mak diak los komunidade iha Suco Tapo/Memo, Suco Holsa, no suco sira seluk tan bele halo natar kada tinan ida bele halo natar dala rua. Iha sorin seluk, iha era Independensia Timor-Leste nia, hahu husi IV Governo to’o V Governo iha momentu ne’ebá lidera husi Primeiru Ministru Kay Rala Xanana Gusmão. No momentu ne’ebá Ministru Agrikultura mak Eng. Mariano Sabino LopesAsanami. Maibé husi tempu ba tempu hetok at liu tan, irigasaun Maliana II Governu nunka hare’e no nunka tau matan. Ba sa komunidade iha Suku Tapo/Memo balu moris ho natar nafin hodi fó sira oan sira ba eskola no sustenta mos ba sira familia iha uma laran rasik.

Ho ida ne’e mak KLEJOTAMO hakarak rekomenda tuir mai ne’e;

1 - Rekomenda ba Primeiru Ministru VII Governo Constitusional Dr. Mari Alkatiri planu oinsa bele tau orsamentu ba irigasaun hotu iha teritoriu Timor-Leste.

2 - Rekomenda ba atual Ministru Estadu no Ministru Agrikultura no Peska, Eng. Estanislau Aleixo da Silva tunba atu hare direita saida mak akontese iha Irigasaun Maliana II ne’ebá.

3 - Rekomenda ba orgaun Parlamentu Nasional hodi halo fiskalizasaun irigasaun ne’ebé mak at iha teritoriu Timor-Leste.

4 - Rekomenda ba Prezidente Autoridade Munisipal Bobonaro Sr. Zeferino dos Santos atu observasaun direita irigasaun Maliana II ne’ebémak durante ne’e at bebeik ona.

5 - Rekomenda ba Chefe Suco Tapo/Memo Joaquim dos Santos atu enkontru hamutuk ho komunidade suco Tapo/Memo rasik atu nune’e bele realiza servisu hamutuk ka (Gotong Royong) hanesan tempu Indonesia fó ona ezemplu ba ita hotu iha ne’ebé irigasaun Maliana II be mota bele tama lalais ba natar laran.

Porta Voz KLEJOTAMO: Moisés Vicente

Ekipa KLEJOTAMO: Abrão Gomes, Roque Afonso, Klaudino Kolo, Isabel Gomes