Madrid garanti katak sei lori separatista sira Catalunha nian ba tribunal

Iha loron-sesta ne'e Governu españól hatete ona katak membru sira hosi ezekutivu rejional Catalunha nian no sira nia parseiru separatista sei ba tribunal hodi hatán ba "deslealdade institusional maka'as tebes" ne'ebé maka sira hatudu.

"Laiha dúvida katak responsável sira hosi Generalitat terão […] tenki hatán iha tribunal", hatete hosi ministru Porta-vós ezekutivu hosi Madrid, Inigo Méndez de Vigo, iha konferénsia imprensa bainhira hakotu Konsellu Ministru.

Responsável governamental akuza ona Generalitat (ezekutivu rejional) ho sira nia parseiru estrema-eskerda ba "deslealdade institusional" ho "la obedese konstituisaun", hodi hatutan katak "bainhira restabelese legalidade" maka bele halo fali konvivénsia institusional iha Catalunha.

Partidu separatista sira hetan ona 47% hosi votu iha votasaun rejional tinan 2015, maibé iha maioria hosi deputadu sira iha parlamentu katalaun nian.

Governu rejional harii hosi Partidu Demokrátiku Europeu Katalaun (antigu Konverjénsia Demokrátiku, konservador) ho Eskerda Republikanu Katalaun (sosialista), partidu separatista rua.

Ezekutivu minoritáriu ne'e simu ona apoiu iha parlamentu hosi Kandidatura Unidade Popular (estrema-eskerda no independentista) ne'ebé permiti ona iha votu nesesáriu sira ba markasaun referendu ba autodeterminasaun ne'ebé la rekoñese hosi Estadu españól.

Iha fatin seluk, Ínigo Méndez de Vigo kritika ona "konfuzaun organizativu" no "improvizasaun" hosi referendu organizadu unilateralmente hosi separatista sira.

Ministru españól subliña ona katak konsulta hanesan ilegal no laiha resenseamentu, boletin sira votu nian, urna sira, no mós laiha asembleia ofisial sira votu nian, ho asembleia sira fó sai iha prasa sentral hosi aldeia balun, "ezemplu hosi konfuzaun organizativu no improvizasaun ida".

Loron rua antes referendu iha loron-domingu, Generalitat hatete iha loron-sesta ne'e iha Barcelona katak iha loron-domingu sei iha asembleia sira votu nian hamutuk 2.300 resin ba ema katalaun sira hodi vota iha referendu, iha dezafiu loloos ida ba Estadu españól, ne'ebé hatete katak konsulta ne'e la'ós legal.

Tuir ezekutivu katalaun, sei iha dispozitivu ida ho ema na'in 7.235 hodi hametin votasaun loron-domingu nian, iha loron rua tuirmai no ne'ebé "iha loron-domingu sei ba vota" hosi tuku 09.00 (oras lokal) to'o tuku 20:00 (oras lokal) maski hosi "hahalok invulgar" hosi Mariano Rajoy nia governu hodi impede konsulta, "hodi ataka direitu fundamental sira".

Polísia prende ona iha loron hirak ikus ne'e boletin sira votu nian hamutuk millaun rua no konvokasaun sira hosi membru sira hosi meza eleitoral sira hamutuk 45.000.

Tribunal Konstitusional españól suspende ona, hodi dalan hodi iha kuidadu, ba lei rejional tomak ne'ebé aprovadu hosi parlamentu no hosi governu Catalunha nian ne'ebé fó kobertura legal ba referendu autodeterminasaun nian.

SAPO TL ho Lusa