Ekipa
luzu-timoroan ida iha semana ne'e vizita Timor-Leste hodi avalia aumentu ida
hosi projetu Sentru sira Aprendizajen no Formasaun Eskolar (CAFE) ba zona sira
seluk iha nasaun nian, hatete hosi visi-ministra Edukasaun timoroan nian ba
Lusa.
Lurdes
Bessa esplika ona katak reprezentante timoroan na'in tolu no reprezentante
portugés na'in tolu sei avalia aspetu oioin hosi projetu CAFE (koñesidu antes
hanesan eskola sira referénsia nian), ne'ebé konstitui iha programa
luzu-timoroan boot ba apoiu ensinu lian portugés iha Timor-Leste.
"Programa
aprezenta hosi Governu hatudu hanoin hodi aumentu projetu hosi atual kapital
sira munisípiu nian ba postu administrativu sira no, atu bele hala'o, ami tenki
avalia no haree saida maka la'o di'ak no saida maka la'o ladi'ak", nia
hatete ba Lusa iha Díli.
"Tenki
hadi'a uluk no hafoin ne'e maka ami bele aumenta projetu ne'ebé, iha nível
global, avaliasaun pozitivu ida, maibé tenki hala'o ho detalle. Ne'e hanesan
projetu sira hosi eskola modelu maibé ami tenki hadi'a buat ne'ebé maka presiza
atu hadi'a", nia hatete.
Komisaun
bilateral hosi akompañamentu projetu CAFE nian harii hosi Ministru Edukasaun
Timor-Leste ho Portugal nian no "tinan-tinan konstitui hodi avalia no
akompaña dezenvolvimentu" projetu nian.
Aleinde
"problema sira kordenasaun nian" no hosi aspetu sira hanesan avansu
ka la'e hosi prosesu formasaun ba dosente timoroan sira - elementu importante
ida hosi projetu -, Lurdes Bessa hakarak atu analiza "komponente
importante sira seluk".
"Ami
tenki hadi'a burokrasia sira hodi hamenus atrazu iha pagamentu sira. Ha'u
hanoin katak kordenasaun konsentra liu iha ne'e, iha Díli. Tenki fó liután
autonomia ba eskola sira no buka envolvimentu maka'as hosi dosente sira iha
komunidade no ho eskola sira seluk", nia refere.
"Ami
hakarak avalia ho di'ak prosesu tomak kontratasaun no avaliasaun hosi profesor
timoroan sira, hosi portugés sira no hosi kordenasaun", nia hatutan mós.
Lurdes
Bessa admiti ona surpreza balun ba markasaun hosi vizita avaliasaun ba semana
ne'e, semana ida ne'ebé maka hanesan intensu hosi sistema edukativu timoroan
nian tanba hala'o hela ezame sira hosi siklu nia rohan ne'ebé envolve alunu
hamutuk rihun 47 resin.
"Hanesan
semana ida ne'ebé serbisu maka'as tebes ba Ministériu iha nasaun tomak",
nia afirma.
Iha
Janeiru, durante vizita ida ba Timor-Leste, sekretária Estadu hosi Negósiu
Estranjeiru no Koperasaun (SENEC), Teresa Ribeiro, esplika ona katak projetu
sei hetan avaliasaun independente ida, ne'ebé "matéria tomak sei hanoin no
estuda ho di'ak no sei hanoin mós solusaun di'ak sira".
Prezente
iha kapital sira hosi munisípiu timoroan hamutuk 13, envolve dosente estajiáriu
sira hamutuk na'in 80 resin hosi Timor-Leste, profesór portugés na'in 130 no
alunu rihun hitu resin, projetu hosi eskola sira referénsia nian (CAFE) hanesan
elementu importante liu hosi programa apoiu ba ensinu portugés nian iha
Timor-Leste.
Selu
hosi nasaun rua, projetu ne'e afetadu hosi problema oioin, ho atrazu hodi
haruka dosente sira hosi Portugal no atrazu maka'as hodi selu komponente
salarial nian hosi parte Timor-Leste nian.
Kordenasaun
hosi projetu hetan beibeik krítika hosi dosente sanulu resin ne'ebé hatete
katak sai hanesan vítima sira hosi ameasa no intimidasaun bainhira tenta hato'o
problema sira ne'ebé afeta projetu.
Falta
hosi kritériu loloos sira hosi avaliasaun ba dosente sira, ne'ebé determina
saida maka kontratu hosi dosente sira ba renovasaun, no aumentu hosi
persentajen profesor sira nian ne'ebé lakohi renova permanénsia iha Timor-Leste
hamosu mós kondisaun ne'ebé ladi'ak.
Bainhira
hatán kona-ba falta transparénsia kona-ba kritériu sira avaliasaun nian ba
renovasaun kontratu sira no hodi hili kordenador sira hosi CAFE ida-idak,
"dezumanidade" ne'ebé maka profesor balun hasoru no desizaun sira
seluk ne'ebé maka foti hosi kordenasaun sentral.
Foin
lalais, dosente balun kestiona ona dokumentu ida ne'ebé tenki asina hosi
profesor sira ne'ebé maka hakarak renova kontratu iha Timor-Leste, ne'ebé
kordenador sira projetu nian deskobre informasaun sira hodi "evita susar
sira ka ajustamentu sira".
Tuir
dokumentu, atrazu sira iha pagamentu "sei sai hanesan realidade ida,
kalkula entre fulan tolu no fulan 45 hodi konkretiza pagamentu hosi komplementu
no subsídiu dahuluk sira".
Iha
dokumentu ne'e, dosente sira hosi projetu hosi Estadu rua ne'ebé tuir
konstituisaun hanesan estadu sira ne'ebé laiha influénsia hosi parte igreja
nian hetan informasaun katak, entre aspetu sira seluk, tenki partisipa iha
"serimónia relijiozu sira, hanesan ezemplu, iha animasaun eukaristia nian
iha loron-sábadu ka loron-domingu ruma, la haree ba fiar relijiozu hosi ema
ida-idak nian".
Entre
knaar sira ne'ebé dosente sira tenki kumpri, iha formasaun hosi profesor sira,
aman-inan, enkaregadu edukasaun nian no funsionáriu sira, aleinde ajuda
implementa "projetu iha eskola no mós la'ós iha eskola laran" no fó
apoiu ba lisensiadu sira no formandu sira seluk.
Estudu
sira ne'ebé Governu timoroan hala'o hatudu ona katak, maski buat hotu no iha
parte barak tanba kapasidade boot hosi profesor sira no tanba métodu ensinu
ne'ebé hadi'a ona, CAFE hatudu rezultadu di'ak ida duké eskola sira seluk hosi
ensinu públiku timoroan nian, maski kuríkulu sira hanesan.
SAPO
TL ho Lusa
Sem comentários:
Enviar um comentário