DILI,
(TATOLI) – Deputadu hosi Bankada Partidu Demokrátiku (PD), Manuel Thomas Amaral,
informa, sidadaun timoroan iha sidade Tondela, Portugal hamutuk Nain 19 afetadu
ba inséndiu.
“Família
vítima sira mak hato’o keixa mai Parlamentu Nasionál (PN), entaun ha’u levanta
kestaun ne’e atu bele hetan intervensaun ruma hosi Embassador Timor-Leste iha
Portugal,” Deputadu Manuel Thomas Amaral levanta iha plenária, Parlamentu
Nasionál, ohin.
Nia
dehan, família vítima iha loron Sesta, semana kotuk hato’o kestaun ne’e ba
Parlamentu nune’e nu’udar deputadu nia informa ona asuntu ne’e ba Ministru
Edukasaun, Fernando Hanjam no Vice Ministra Lurdes Bessa, maibé to’o ohin loron
seidauk iha resposta.
Tuir
informasaun hosi família vítima, timoroan nain 19 ne’e, kompostu, feto Nain
tolu no mane Nain 16. Sira nain 19 eskola iha Portugal, maibé la’ós
benefisiáriu hosi bolsu estudu.
“Sira
ta’uk iha área ne’ebé akontese inséndiu no sira nia inan aman mensajen ha’u
katak, seidauk iha avizu ida katak ita nia embaixadór atu ba haree sira hodi
husu sira nia kondisaun no hela iha ne’ebé.”
“Ho
kauza inséndiu ne’e kuaze ema halai hotu hodi buka fatin hodi proteje an maibé
sira Nain 19 atu halai ba ne’ebé, tanba família de’it mós la iha ne’ebá no
timoroan sira hela dook hosi sira.”
Enkuantu,
ohin PN aprova ho unanimidade votu solidariedade ba vítima floresta ne’ebé
akontese iha Portugal, estraga ai-horis, hamate balada no mós estraga
komunidade sira nia hela fatin.
Inséndiu
ne’e nu’udar akontesimentu daruak iha Portugal, ahi han ai-laran sira ho ahi
kuaze 443 iha parte norte súl Portugal iha 15 Outubru.
Jornalista:
Zezito Silva | Editór: Manuel Pinto
Foto:
Deputadu, Manuel Thomas Amaral.
Sem comentários:
Enviar um comentário