Alkatiri Prontu Dialogu Ho Xanana-TMR

DILI - Primeiru Ministru Mari Alkatiri prontu dialogu ho Prezidente CNRT Xanana Gusmao no Prezidente PLP Taur Matan Ruak, bainhira Prezidente da RDTL Francisco Guterres Lú Olo, neebe deklara sei konvoka dialogu ho lideransa hirak nee iha tempu badak.

Hafoin semana ida fila husi vizita ba Australia Primeiru Ministru Mari Alkatiri ba jornalista sira katak, Simu ona konvite husi Prezidente da RDTL Francisco Guterres LuOlo ba asuntu refere, no nia (Red: Xefi Governu Mari Alkatiri) prontu halo dialogu nee ho lideransa hirak nee.

“Hau simu ona konvite husi Prezidente da RDTL no hau prontu halo dialogu nee, tanba hau kolia nee hau nunka halai ses husi buat neebe maka hau kolia,” dehan PM Mari, liu husi konferensia imprensa neebe maka halao iha Aero Portu Nicolau Lobato, Dili, Segunda (06/11/2017).

Iha parte ketak Prezidente Republika  Francisco Guterres Lú Olo sei halo dialogu ho ho Lider Xanana Gusmao, Taur Matan Ruak no Mari Alkatiri, no dialogu nee rasik Xefe Estadu ajenda ona iha loron 15 fulan Novembru agora komesa konvoka hodi halo dialogu ho lideransa nain tolu nee.

Iha Loron 5  Novembru liu husi komunikadu 2017 Prezidente Republika Francisco Guterres Lú Olo, se halo dialogu  ho Prezidente CNRT  Xanana Gusmao, Prezidente PLP Taur Matan Ruak no Sekretariu Jeral Fretilin  Mari Alkatiri  neebe makakadu ona loron dialogu ho lider nain tolu nee  ih loron 15 Novembru  iha  palsiu Prezidente Nicolau Lobato.

Entretantu Jose da Silva hanesan obserbador nasional husu ba lideransa sira atu fo liman ba malu hodi servisu hamutuk, hodi hadia povu no dezemvolvimentu iha rai laran, tanba bainhira lideransa sira sukit malu hela deit maka povu sei lamoris hakmatek no dezemvolvimentu iha nasaun ida nee sei lalao ba oin ho diak. 

Carme Ximenes/Maria Lay | Suara Timor Lorosae